Сайдулла Нышанов, депутат: "Бир-эки жылдын ичинде өлкө экономикасында чоң жылыш болот"

Кыргызстанда бир-эки жылдын ичинде экономикалык жактан чоң жылыштар болот. Муну бүгүн, 27-ноябрда "Парламент" радиосунун түз эфиринде Жогорку Кеңештин депутаты Сайдулла Нышанов билдирип, өлкөдө аздыр-көптүр жылыштар болуп жатканын билдирди. "Кыргызстанда алдыга жылыштар болуп эле жатат, муну көргүсү келбегендер болууда. Ооба, кемчиликтер да бар. Парламент колдон келген аракетин жасап жатат. Бирок алдыга умтулушубуз керек, жакынкы 1-2 жылда чоң жылыштар болот",- деди депутат.

Депутат Кыргызстандагы этти өнүккөн өлкөлөр сатып алууга кызыгып жатышканын, өлкөгө заманбап үлгүдөгү эт комбинатын куруу зарыл экенин кошумчалады.

Автор: Автандил Добулбеков