Алмазбек Атамбаев 7 жылдан бери намаз окуй турганын айтты

Президент Алмазбек Атамбаев Сауд Арабиясындагы иш сапары учурунда 7 жылдан бери намаз окуй турганын айтты. Муну бүгүн, 3-декабрда муфтияттын маалымат кызматы билдирди. Президент бүгүн Медина жана Мекке шаарларына барып, кичи ажылык зыяратын аткармакчы.

Айта кетсек, араб өлкөсүндөгү иш сапарда президент менен кошо тышкы иштер министри Эрлан Абдылдаев, президенттик аппараттын тышкы саясат бөлүмүнүн башчысы Сапар Исаков, президенттик аппараттын жетекчисинин 1-орун басары Икрамжан Илмиянов, Дин иштери боюнча мамлекеттик комиссиянын төрагасы Орозбек Молдалиев, муфтий Максатбек ажы Токтомушев жана Улуттук банктын төрагасы Толкунбек Абдыгулов жүрөт.

"Умра же кичи ажылык зыяраты кадимки ажылыктан айырмаланып атайын бир белгилүү убакытта гана зыярат кылынбайт, адам каалаган убакта умра кыла алат",- деп билдирет муфтият.

Автор: Автандил Добулбеков