Исмаил Исаков 2015-жылдын бюджети боюнча айрым министрлерди жарга такады

Парламенттин 3-декабрдагы жыйынында депутат Исмаил Исаков республикалык бюджеттин долбоорунда каралган министрликтердин бюджети 100 пайызга аткарылбай турганын айтып чыкты. Депутат бул боюнча министрлердин пикирин билүүгө кызыкты. "Кана, кайсы министр айта алат? Кимиңер министрликтин бюджетинин 100 пайызга аткарыларына кепилдик бере аласыңар? Билим берүү, саламаттыкты сактоо, ички иштер министри орундарынан туруп жооп берсин",- деди Исаков.

Саламаттыкты сактоо министри Талантбек Батыралиев бюджеттин 100 пайызга аткарыларын алдын ала айтуу мүмкүн эмес экенин, дүйнөлүк экономиканын таасири тиерин билдирди. Башка министрлер жооп беришкен жок.

Автор: Автандил Добулбеков