Памирлик кыргыздардын 50 пайызы паспорт менен камсыз болгон

Памирлик кыргыздардын 50 пайызы паспорт менен камсыз болгон. Муну депутат Мирлан Бакиров бүгүн, 3-декабрда “Парламент” радиосуна берген маегинде айтты.

Депутат алар Кыргызстандан азык-түлүк жардамдарынын ордуна курулуш материалдарын берүүнү өтүнүшкөнүн билдирди. "Себеби кокту-колоттордогу бирден-экиден үйлөрдү бириктирип, айыл, медициналык пункт сындуу объекттерди куруу ниеттери бар. Ошол эле маалда Кыргызстанга келүүнү самагандар да бар. Азыркы тапта алардын дагы бир өтүнүчү балдарын Кыргызстандан окутуу болууда. Ал жакта болжол менен 3 – 3,5 миңдей кыргыз калыптыр. Улуу Памир, Кичи Памирдеги боордоштор боюнча конкреттүү маселелерди чече турган мезгил жетти",- дейт Бакиров.

Айта кетсек, өткөн аптада Кыргызстандан памирлик кыргыздарга азык-түлүк жеткирилди.

Автор: Жамалидин Парманкулов