Жоомарт Оторбаев: "Казакстандан алынган электр энергиясына декабрь айы үчүн бюджеттин акчасы жумшалган жок"

Казакстандан импорттолуп баштаган электр энергиясына декабрь айы үчүн бюджеттен тышкаркы акча берилди. Муну парламенттин 10-декабрдагы жыйынында өкмөт башчы Жоомарт Оторбаев билдирди. Премьер-министрдин айтымында, Казакстан электр энергиясы үчүн акчаны алдын ала төлөөнү талап кылууда.

Маалыматка таянсак, Кыргызстан учурда Казакстандан суткасына 5-5,5 миллион киловатт-саат электр энергиясын импорттоп жатат. Энергетика жана өнөр жай министри Кубанычбек Турдубаевдин айтымында, декабрь айында импорттолгон электр энергиясы үчүн 20 миллион доллар төлөндү.

Автор: Автандил Добулбеков