Жоомарт Оторбаев Кытай премьери Ли Кэцян менен жолугушту

Кыргызстандын премьер-министри Жоомарт Оторбаев 15-декабрда Астанада Кытайдын Мамлекеттик кеңешинин премьери Ли Кэцян менен жолугушту. Жолугушууда тараптар "Кыргызстан-Кытай" газ түтүгүн, өлкөгө кошумча "Түндүк-түштүк" унаа жолун жана мунайды кайра иштетүүчү завод куруу, Бишкек ЖЭБин жаңылоо тууралуу пикир алышышты. Жоомарт Оторбаев аталган долбоорлор тарыхый мааниге ээ экенин белгиледи. "Биз Кыргызстан - Кытай - Өзбекстан - Тажикстан - Казакстан - Ооганстандын байланыштыра турган көп түрдүү аймактык транспорттук коридор түзүүнү сунуштайбыз",- деди премьер-министр.

Мындан тышкары "Датка" көмөк чордонун куруу долбоорунун аякташына байланыштуу Кытай премьерине ыраазычылык билдирди.

Тараптар маданий-гуманитардык кызматташтыкты өнүктүрүү зарылдыгын белгилешкенин өкмөттүн басма сөз кызматы билдирди.

Автор: Автандил Добулбеков