Бишкекте 1 рубль кыргыздын 88 тыйынына бааланууда

Бишкектин акча алмаштыруучу жайларында рублдун курсу төмөндөөдө. Учурда 1 рублду сатып алуу 88 тыйын, сатуу 95 тыйындын тегерегинде болуп жатат. Белгилей кетсек, Орусия валютасынын курсу көп мезгилден бери 1 сом 50 тыйындык чекте кармалып келген, бирок акыркы 4-5 айдан бери кескин төмөндөө үстүндө. Буга Орусияга батыш өлкөлөрү жарыялаган санкциялар, экономикалык кырдаал, дүйнөлүк рынокто мунай баасынын кескин төмөндөшү өңдүү факторлор себеп болууда. Мисалы, "Брент" үлгүсүндөгү мунайдын баррели эки эсе арзандап, 63 долларга түштү.

Эксперттердин айтымында, рубль мындан да төмөндөп кетиши мүмкүн.

Орусия акча бирдигинин арзандашы аталган өлкөдө иштеп жаткан мекендештер үчүн жагымсыз көрүнүш. Анткени алар иштеп таап, мекенине жөнөткөн акчанын (рублдун) күчү жоголууда.

Рублдун курсунун кескин төмөндөп жатышынын негизги себептери менен бул жактан таанышсаңыз болот.

Автор: Автандил Добулбеков