Казакстандын көк бөрү боюнча курама командасы көчмөндөр оюнундагы оюн эрежелерине каршы болушууда

Казакстандык спортчулар көчмөндөр оюнунун алкагында өтүп жаткан көк бөрү боюнча мелдешке каршылык жазып, катышпай койгондугу туура эмес. Бул тууралуу казак басылмалары жазып чыгышты.

Маалыматка ылайык, Ак-Төбө облустук Көкпар федерациясынын президенти Фархад Сансызбай казак курамасынын бул аракеттерин сынга алган.

"Казакстан Көкпар федерациясы журналисттерге "уюштуруучулар өз убагында аттарды даярдап берген жок" деп айтып жатышат. Бирок биздин спортчулар бул оюнга катышары бир жыл мурун эле кабарланган. Мындан сырткары, биздин курама оюн эрежелери эл аралык стандарттарга туура келбейт деп жатышат. Анткени жакынкы аралыктан бери казак оюнчулары тай казаны жок, чийинде ойноп калышкан. Кыргыз тарап бизге чийинде эмес, тай казанда оюн болорун алдын ала билдиришкен. Башка курамалардын баары тай казанда ойноп жатышат. Казакстан Көкпар федерациясынын бул аракети туура эмес. Оюн үчүн аттарды даярдоого бир жылдан ашык убакыт бар эле. Биздикилер бойкот жарыялап, оюнга чыкпай коюшту. Мындай кылган болбойт. Бул жерде бүтүндөй мамлекеттин намысы турат", - деп билдирген Фархад Сансызбай казак басылмаларына берген маегинде.

Ал эми Казакстандын Көкпар федерациясынын президенти Ерлан Оспанов да бул окуя тууралуу билдирүү жасаган. Анын айтымына ылайык, оюндун уюштуруучулары алардын талаптарын аткарбай койгонуна байланыштуу курама команда мелдештерге катышуудан баш тарткан.

"Кыргыз тарап бизге аттарды берди. Бирок алар силердин курамыңарда биздин Кыргыз оюнчубуз болуусу керек деген шарт коюшту. Биз буга каршы болдук. Орусиянын Москва, Красноярск облусунан келген курама командаларды карасак, ал жакта жалаң эле Орусияда жашаган кыргыздар экен. Мындан улам Кыргыз өлкөсүнүн чыныгы улуттук курама командасы кайсы экенин айырмалоо кыйынга турат. Биз тандоо турунан өтүп жаткан маалда уюштуруучулар башка командаларда кыргыздар болбоосу керек экендигин айтышкан болчу. Ал эми эл аралык стандартка ылайык эрежелерге кайрылсак, тай казанга улак ыргытууда оюнчулар көптөгөн жаракаттарды алышат, биз 15 жыл бул эрежелер менен ойнодук, бирок жакында эле ал эрежелерден баш тартууну чечтик. Буга кыргыздардан башкасынын бардыгы макул болгон. Ал эми аттарды Кыргыз тараптан ижарага алалы делген чечим кабыл алынган", - деп билдирген Оспанов.

Мындан сырткары Оспанов Кыргыз тарап кечирим сурап, оюнду башка күнгө жылдыруу боюнча сүйлөшүүлөрдү жүргүзүп жатканын жана Казак курама командасы эртеби-кечпи оюнга чыгарын кошумчалаган.

Автор: Бекболот Сарыбаев

11:42 04-09-2018

Жазылуу

РУБРИКАДАГЫ СОҢКУ КАБАРЛАР

09:45 2025-06-15 | Коом жана турмуш

Бүгүнкү күнгө карата чет элдик валюталардын курсу 83 0

09:13 2025-06-15 | Түркүн дүйнө

Израил-Иран атышуусу: Путин менен Трамп телефон аркылуу сүйлөшүштү 487 0

09:10 2025-06-15 | Коом жана турмуш

Замандын талабындагы китептер: Кызыгуу, тандоо жана тренд 1280 0

17:41 2025-06-14 | Коом жана турмуш

Кулубаев Оман Султандыгынын тышкы иштер министри менен сүйлөштү 688 0

16:55 2025-06-14 | Түркүн дүйнө

Израил Ирандын негизги илимпоздорун жок кылганын билдирди 2614 0

16:07 2025-06-14 | Маданият, шоу-бизнес

Эл аралык көргөзмөгө катышуу үчүн чыгармачылык иштерди тандоо башталды 585 0

Архив

Комментарийлер (20)

monster_high_98

2018-09-04 12:05:37

Силер коркутуп катышпай койгондо эле кок бору болбой калабы?Чыксанар беймарал чыгып кеткиле,шылтоолобой

Kychtyy

2018-09-04 12:06:42

Ха ха ха ушинтеринерди баш эле билинген. Кыргызстан экспого барганда така алдырганга каршы болуп ойнобойбуз деген элего ошоуну акырын чыгарып атышат окшойт. Анан кураманарда кыргыз болуш керек деген окшошбой эле калыптырго. Ошондой кантип болсун. Тайгазан дуйнолук стандартга туура келбейт деп. Бул тууган кок боруунун юнескага катталганын билбейт окшойтго. кочмондор оюнун кокпар эмес кок бору боюнча болорун, 2 жолу кок борудон болгонун айтып жонотушсо жакшы болмок экен тууганга

+11

kolyn

2018-09-04 12:27:21

ХХХХХХХ ар дайым кыргыздын конкуренциясынан коркушат,баана эле таппай турушат.Өзү чёткий эл аралык стандар чыгарып коюш керек.Андай кылбаса булар ар мелдештерде өздөрүнүн условиясын коё беришет.

+10

Nargiza1987k

2018-09-04 12:33:57

Ха ха ха бул уят казак туугандар боло турган шылтоону айтпайсынарбы

+11

bekov01

2018-09-04 12:45:30

Таза оюн откоруп таза жениш керек

Firdaus-Muslim

2018-09-04 12:48:25

Кыскасын айтканда: Коркконго кош көрүнөт болуптур да.

Erik2018

2018-09-04 12:56:08

Казак оюнчулары бул оюнга келиштен коркуштуда. Болбосо келет эле буга чейин 2 жолу келип кың дебей ойноп кетишпеди.

+10

TalaCSKA

2018-09-04 13:11:22

Кок Боруну тай казан жок жердеги чийинге ойногуча лучше вообще ойнобой эле койуш керек.соонун керемет ойунду кайдагы жок жерге чийин чийип ойундун коркун эмнеге кетирип жатасынар казак туугандар айткылачы ???!!!

Meni_unut

2018-09-04 13:55:06

Манастан коркту да

Omush94

2018-09-04 14:45:51

Эмнеге кыргыздар кечирим сураш кк. Ойунга катышпаса катышпай эле койсун не кереги бар жалдырап

ekaterinburg

2018-09-04 15:47:19

ХХХХХХХ ХХХХХ баланын шылтоосу болуп калыптыр.

R_u_S

2018-09-04 16:13:04

Футболду дарабазасыз элестете албайм))

KAYRATBEK

2018-09-04 17:13:13

Окуп аябай КЫРГЫЗДАРДАН коркуп турганын байкадым.
КРАСНОЯРСК командасында Кыргыздар болсо эмне алар Красноярскийдин атынан ойноп атат.

Москва облусунун командасында кыргыздар ойносо эмне экен. Алар Москва облусунун атынан ойноп атат.

Биз Кыргызстандын улуттук курамасын билбей атабыз деген БУЛ ШЫЛТОО ЭМЕС. БУЛ ОТО УЯТ КЫТЫРЧЫЛЫК.

Мен аябай тан калдым. Ушундай да коркушабы бизден.

tular

2018-09-04 19:05:34

ЭКСПОдо деле Монголия курама каманданын атынан казак балдар чыгышкан.
Ошол видео [moderated]да журот, корсонор болот. Даже диктор булар казак балдар деп айткан жери бар...

BekAmir

2018-09-05 00:13:52

Ойнобой эле койгулачы баурлар

Комментарий калтыруу үчүн өз ысымыңыз менен кириңиз же каттоодон өтүңүз.