Сузакта милиция бөлүмүндө каза болгон адамдын аялы: "Жолдошум өз ажалы менен каза болгонуна ишенбей турам"

Жалал-Абад облусунун Сузак районундагы милиция бөлүмүндө эркек киши каза болгону маалымдалган.

SUPER.КG порталына каза болгон жарандын жубайы Дилбар Максутова кайрылып, жолдошунун өз ажалы менен каза болгонуна ишенбей, милиция кызматкерлеринен шек санап жатканын айтып кайрылды.

"Окуя 31-август күнү болгон. Алынган тасмалардан көрсөк жолдошум ошол күнү дүкөнгө кирген. Ортодо кандайдыр бир келишпестик пайда болуп, дүкөнчү кыз милиция чакырткан экен. Аймактык милициянын бөлүмчөсүнөн кызматкер келип аны алып кеткен. Андан кийин эле каза болуп калган. Жолдошум дүкөнгө барганда кызуу болгон, бирок өтө мас эмес экени билинип турат.

Бөлүмчөдө жарым саатта эле каза болуптур. Бирок биз кабарды эртеси, 1-сентябрь күнү уктук. Анда дагы издеп жүрүп таптык. Бизге эч кандай кабар дагы айтышкан жок. Ага чейин кызматкерлер өздөрү билип, күйөөмө медициналык экспертиза жасап коюшкан. Эртеси биз өлүкканадан алып келип, жерге бердик.

Уулум аны майрам сууга алып жатканда кабыргасы сынып кеткенин байкаптыр, колдору карайып, бел жагында кара издери болгон.

Максутованын айтымында, ал ошол күнү жолдошу менен телефон аркылуу сүйлөшкөн.

"Жолдошум экөөбүз ошол күнү эртең менен сүйлөшкөнбүз. Ал кошуна айылда жумушта иштеп жүргөн. Экөөбүз жолугуп базарга бармакпыз. 15 миң сом акчам бар деген. Ошону менен эле ал жок болуп кетти. Мен аны 31-августта издедим. Эртеси ооруканаларга дагы бардым. Жолдошум каза болуп калганын мага иним айтты. Ал ооруп комага түшүп калды деди. Бирок көп өтпөй эле анын жансыз денесин үйгө алып келишти.

Анын кызыктай өлүмүнөн шек санап жатам. Мен милиция кызматкерлеринен көрүп жатам. Алар катуу чаап коюшу мүмкүн. Азыр милиция тергөө жүрүп жатат деди. Мен аларга акыйкат карап берүүлөрүн айтып, бүгүн, 6-сентябрда арыз жаздым.

Жолдошум экөөбүздүн бир уул, бир кызыбыз бар. Уулум жакында үйлөнмөк. Мен жакында эле жол кырсыгына кабылып, ооруп жаткам. Ошого байланыштуу жолдошум кара жумуштарда иштеп жүргөн", - деди Максутова.

Ал эми Жалал-Абад ОИИБинин басма сөз кызматынан учурда дайындалган соттук-медициналык экспертизанын жыйынтыгы чыга электигин билдиришти.

"Тергөөнүн жүрүшүндө кимдин күнөөлүү экени аныкталса, мыйзам чегинде жоопко тартылат", - деп билдиришти басма сөз кызматынан

Автор: Айсалкын Качкынбекова

16:09 06-09-2021

Жазылуу

РУБРИКАДАГЫ СОҢКУ КАБАРЛАР

10:51 2025-05-09 | Коом жана турмуш

Бишкете Улуу Жеңиштин 80 жылдыгына карата митинг-реквием болуп өттү (видео) 36 0

10:10 2025-05-09 | Супер-Инфо

“31 жыл мурунку кырсыктын күйүтүн азыркыга чейин тартам” 163 0

10:04 2025-05-09 | Саясат

Орусиянын президенти Владимир Путин кыргызстандыктарды Жеңиш күнү менен куттуктады 238 0

09:59 2025-05-09 | Коом жана турмуш

Ош шаарында оңдоп-түзөөдөн өткөн үч көчө колдонууга берилди 296 0

09:30 2025-05-09 | Саясат

"Кызыл кыргынды болтурбоо азыр да актуалдуу". Садыр Жапаров Жеңиштин 80 жылдыгы менен куттуктады 242 0

09:15 2025-05-09 | Коом жана турмуш

9-майдагы дүйнөлүк валюталардын сомго карата наркы 382 0

Архив

Комментарийлер (4)

IOA

2021-09-06 19:58:53

Чындык барбы бизде туугандар?

Alixan-Nookat.2015

2021-09-06 21:09:59

Карга карганын көзүн чукубайтда, көрөсүңөр экспертизанын жыйынтыгын кандай чыгарын карапайым элге иштебейт.

nurbek11

2021-09-06 23:45:55

Баякы эле бей бечара.

Nursul

2021-09-07 09:31:04

Экспертиза өз ажалы менен эле өлдү деп чыгарары турган иш да. Жакында жеңем өзүнө кол салып каза болду жеңемдин туугандары акемди сен эле өлтүрүп салдың деп милиция экспертиза чакыртышты кирип союп атканда жеңемдин атасы анча мынча нерселерин жаап эле койгула деп атпайбы биз андай болбойт өзүңөр жанталашып чакырдынар эми чындык болсун десек ошентишет күйөө бала бир нерсе кылса жаап эле койгула деп, кийин сурап билип көрсөм бир аял менен эркек киши коркутуп жүрчү экен.

Комментарий калтыруу үчүн өз ысымыңыз менен кириңиз же каттоодон өтүңүз.