Ош. "Күйүүчү май чачылып күйүк алды" делген эки жаран оорукананын жандандыруу бөлүмүндө жатат

Ош облусунда белгисиз жаран эки адамга күйүүчү май чачып, өрттөөгө аракет кылган. Натыйжада эки жабырлануучу аймактык оорукананын жандандыруу бөлүмүнө жеткирилген. Бул тууралуу бүгүн, 20-мартта Өзгөчө кырдаалдар министрлигинен билдиришти.

Маалыматка ылайык, кечээ түнү Ош облустук бириккен клиникалык ооруканасынын күйүк бөлүмүнө эки жаран алынып келген. Анда У.Ф. аттуу жарандын 2-3-даражадагы 13-14 пайыз колунан, моюнунан, бетинен, далысынан, эки жамбашынан күйүк алганы аныкталган. Алдын ала маалыматтарга караганда, ал мас абалда болгон. Ошондой эле Э.У. аттуу жаран да 2-3-даражадагы 48-50 пайыз денесинен күйүк алган, башы чайкалган, азыр Ош облустук бириккен клиникалык ооруканасынын жандандыруу бөлүмүндө дарыланууда.

Автор: Мальвина Уметбекова