Футбол боюнча өлкө чемпиондугунун 1-турунда “Дордой” үйүндө “Кейжи Юнайтед” командасын 6:1 эсебинде утуп алды

Экинчи таймда майданга чыгып, 2 голду өз эсебине жазган Калимулла (№9)

"Кейжи Юнайтеддин" оюнчулары топту кайрадан өз майданынан алыс берүү аракетинде...

Оюндун жүрүшүнөн

Биринчи таймда "Дордойдун" чабуулун сол капталда мыкты кубаттап, натыйжалуу пастарды берген Элхан Темирбаев

Оюндун жүрүшүнөн

Борбордук коргоочу, 7 голдун бирин киргизген Курсанбек Шератов (топ менен) кезектеги чабуулду уюштуруу аракетин көрүп жатат.

"Кейжи Юнайтед" командасы каршы чабуулда ойноп жатты.

Мирлан Мурзаев оюн эсебин ачып, команданы 1:0 эсебинде алдыга алып чыкты.

Оюндун жүрүшүнөн...

"Дордойдун" чабуулду токтотуудагы мыкты оюнчуларынын бири Даниэл Тэго

"Дордойдун" жарым коргоочусу Ислам Шамшиев (№11) кезектеги чабуулду уюштуруу аракетин көрүп жатат.

Оюндун жүрүшүндө атаандашы менен топ талаша келгенде бутун кокустатып алган Мирлан Мурзаев бир аз отуруп, анан майданга чыкты.

Оюндун жүрүшүнөн...

"Дордойдун" чабуулду токтотуудагы мыкты оюнчуларынын бири Даниэл Тэго

"Кейжи Юнайтед" командасынын башкы курамы

"Дордой" футболдук клубунун оюнчулары

Мелдеш 13-апрелде расмий түрдө старт алды. 1-тур оюнунда "Дордой" өз үйүндө ойноду.

"Дордойдун" лидерлеринин бири Мирлан Мурзаев (№23) атаандашын жазгырып өтүү аракетин көрүүдө.

Бүгүн, 13-апрелде футбол боюнча өлкө чемпиондугу - ТОП-Лига расмий түрдө старт алды. Мелдештин 1-турунда бишкектик “Дордой” командасы өз үйүндө “Кейжи Юнайтед” командасын 6:1 эсебинде утуп алды. “Дордойго” 3 упай алып келген голдорду Мирлан Мурзаев (16-мүнөттө), Алмазбек Мирзалиев (23-мүнөттө), Азиз Сыдыков (32-мүнөттө), Курсанбек Шератов (39-мүнөттө), Калимулла (75-мүнөттө, 86-мүнөттө) киргизди. Ал эми коноктордун курамынан Жаныбек Жанарбек уулу (42-мүнөттө) айырмаланды.

Оюндун басымдуу бөлүгү майдандын борбордук бөлүгүндө жана “Кейжи Юнайтеддин” дарбазасына жакын аймактарда өттү. Коноктор демилгени колго алган “дордойчулардын” чабуулун орто жолдо токтотуп, каршы чабуул уюштуруп жатышты. Ал эми “Кейжи Юнайтеддин” борбордук коргонуусун жарып өтө албаган “Дордойдун” оюнчулары топту капталдан көкөлөтө көтөрүү менен гол киргизүү аракетин көрүп жатышты. Жыйынтыгында “Кейжи Юнайтеддин” оюнчулары бурчтан чыгарууда гол жаратышты. “Дордойдун” оюнчулары сол капталдан көтөрүлгөн 3 топту, оң капталдан көтөрүлгөн 1 топту дарбазага таамай багыттай алышты. Дагы бир голду Азиз Сыдыков дарбазанын маңдайынан алыскы бурчка таамай тепти.

Өткөн аптада “Дордой” өз үйүндө “Ала-Тоо” клубун утканын эске алсак, бишкектик клубдун карамагында 6 упай болду жана мелдеште лидерлик сапка көтөрүлдү.

Автор: Максат Кудайбердиев
Фото: Максат Кудайбердиев