Олимпиадалык кураманын футболчулары Азия чемпиондугунун тандоо турунда Кувейт менен тең ойношту

Олимпиадалык курамдын күйөрмандары...

23 жашка чейинки курактагы футболчулардан түзүлгөн олимпиадалык курама команда Бириккен Араб Эмираттарында жаштар арасындагы Азия чемпиондугунун тандоо туруна катышууда. Футболчуларыбыз 16-майда Кувейттин олимпиадалык курамасына каршы беттеш өткөрүп, 0:0 эсебинде ойношту жана муну менен алгачкы 1 упайга ээ болушту. КРнын Футбол федерациясынан кабарлашкандай, эки командада тең гол жаратуу мүмкүнчүлүгү болуп, бирок командалар аны текке кетирип коюшту.

Ошол эле убакта бул тайпада Иордания атаандашы Пакистанды 5:0 эсебинде утуп алды. Кийинки турдагы оюндар 18-майда өтөт. Анда кыргыз мамлекетинин олимпиадалык курамасы Иордания менен беттешет, Кувейт курамасы Пакистанга каршы турат.

Автор: Максат Кудайбердиев