Экс-спикер Асылбек Жээнбеков үчүн Ак үйдөн 3 бөлмө берилгени аныкталды

324-бөлмөнүн эшигинде "Жогорку Кеңештин иш башкаруучусунун орун басары Нурбек Кадыров" деген жазуу турат. Бирок Нурбек Кадыров 1-кабатка көчкөнү белгилүү болду.

323-бөлмө

322-бөлмө

Ак үйдүн 3-кабатындагы 321-бөлмө экс-спикер А.Жээнбековдун кабылдамасы. Бул кабылдама аркылуу анын кенен (322-323-бөлмөлөрдөн бириктирилген) иш бөлмөсүнө кирүүгө мүмкүн.

Жогорку Кеңештин экс-спикери Асылбек Жээнбековго Ак үйдөгү 3-кабатынан 3 бөлмө берилгени аныкталды. Бул тууралуу парламенттин басма сөз кызматынын башчысы Ибраим Нуракун уулу билдирди.

Анын айтымында, Жээнбековдун карамагында учурда эки бөлмө бар. "Биринде өзү отурат, экинчиси - анын кабылдамасы. Жээнбеков отурган бөлмө мурдагы эки чакан бөлмөдөн (322-323-бөлмөлөр - ред.) бириктирилип оңдолгон. Ал эми өзүнчө даараткана жана эс алуучу жайлары жок", - деди Ибраим Нуракун уулу.

Айта кетсек, "даараткана жасалат" делген 324-бөлмөдө "Жогорку Кеңештин иш башкаруучусунун орун басары Нурбек Кадыров" деген жазуу турат. Бирок Нурбек Кадыров 1-кабатка көчкөнү белгилүү болду.