Бишкекте Кыргыз Республикасынын Куралдуу күчтөрүнүн күнү белгиленди

Бүгүн, 27-майда Токтогул Сатылганов атындагы Кыргыз улуттук филармониясында Кыргыз Республикасынын Куралдуу күчтөрүнүн түзүлгөнүнүн 24 жылдыгына арналган салтанаттуу чогулуш болду. Бул тууралуу бүгүн, 27-майда КРнын Куралдуу күчтөрүнүн Башкы штабынын басма сөз кызматы билдирди.

Чогулушка Жогорку Кеңештин, өкмөттүн, Коргоо кеңешинин күч түзүмдөрүнүн жетекчилери, Куралдуу күчтөрдүн ардагерлери, республиканын коомдук уюмдарынын өкүлдөрү жана чет өлкөлүк аскердик-дипломатиялык миссиянын жетекчилери катышты.

КРнын Куралдуу күчтөрүнүн Башкы штабынын башчысы, генерал-майор Райимберди Дүйшөнбиев салтанаттуу чогулушту ачып, залда отурган аскер кызматчыларын жана ардагерлерди Куралдуу күчтөрдүн 24 жылдыгы менен куттуктады.

Майрамдык иш-чарада Коргоо кеңешинин катчысы Темир Жумакадыров президент Алмазбек Атамбаевдин майрамдык куттуктоосун окуп берди. Андан соң Куралдуу күчтөрдүн Башкы штабынын, Мамлекеттик чек ара кызматынын жана Улуттук гвардиянын ишинде өзгөчөлөнгөн 8 аскер кызматчысына мамлекет башчынын энчиленген сааттарын сыйлык катары тапшырды.

Салтанаттуу иш-чаранын чегинде «Кыргыз Республикасынын Куралдуу күчтөрүнүн түзүлгөндүгүнүн 24 жылдыгы» темасында сүрөт көргөзмөсү тартууланды. Ошондой эле Борбордук аскер үйүнүн чыгармачылык жамааты менен кыргыз эстрада жылдыздарынын катышуусундагы концерттик программа көрсөтүлдү.

18:13 27-05-2016

Автор: Гүлназ Тажибаева

Жазылуу

РУБРИКАДАГЫ СОҢКУ КАБАРЛАР

20:05 2024-05-04 | Коом жана турмуш

Бишкектен Ошко учкан учак авариялык жагдайдан улам кайра конду 2177 0

19:39 2024-05-04 | Коом жана турмуш

Чүйдө жол жээгиндеги баш аламан соода-сатыктар иретке келтирилүүдө 635 0

18:09 2024-05-04 | Коом жана турмуш

ИИМдин кызматкерлери Чолпон-Атада өткөн эл аралык марафонго катышты 397 0

17:48 2024-05-04 | Коом жана турмуш

Сузак окуясы боюнча милиция жетекчилери кызматтан алынды 1792 0

17:25 2024-05-04 | Коом жана турмуш

Самат Эркинбеков: "Аялды муштум менен эмес, акыл менен деле башкарса болот" 1048 0

15:55 2024-05-04 | Коом жана турмуш

Өлкөдө канча соода борбору бар экени белгилүү болду 1238 0

Архив

Комментарийлер (1)

ofiser26

2016-05-27 21:47:12

Урматтуу мекен коргоочулар,ардактуу ардагерлер!Сиздердин кооптуу жана ардактуу кесиптик майрамыныздар менен чын журоктон куттуктайм.Мында ары ишиниздерде ийгиликтер болуп,жаш муундарды патироттуулука тарбияладоодо улгулуу болуп журо беришиниздерге тилектешмин.

Комментарий калтыруу үчүн өз ысымыңыз менен кириңиз же каттоодон өтүңүз.