Бишкекте "Демир банктын" алдында 200гө чукул адам митингге чыкты

Алапай кызы Мариам

Учурда Бишкек шаарындагы "Демир банктын" алдында 200гө чукул адам митинг өткөрүүдө. Митингге чыккандар - "Эркин заман" турак жай курулуш кооперативинин мүчөлөрү жана ал аркылуу үй алууну көздөгөн тургундар.

Кооперативдин мүчөсү Таалайбек Молдалиевдин айтымында, алар Кытайдан 10 миң адамга турак жай салууга инвестор таап, аталган банк менен иштешүү тууралуу сүйлөшүшкөн. Бирок банк алар менен иштешүүдөн баш тартып, башка банктар менен да иштешүүгө тоскоолдук жаратышкан.

"Инвестор тапканбыз, банктык эсеп ачышыбыз керек болгон. Бул банкка келип "10 миң адамды тейлей аласыңарбы?" деп сурасак, ооба дешкен. Үч сааттан кийин кайра иштешкенден баш тарта башташты. "Улуттук банктан кагаз келди, силер менен иштеше албайбыз. Банктык эсептеги акчаңарды бүгүн алып кеткиле, болбосо ала албай каласыңар" дешти. Башка банктарга да бардык, баары тең иштешүүдөн баш тартышты", - дейт Молдалиев.

"Бардык банктарга биз тууралуу "иштешпегиле, алар алдамчылар" деп жамандашыптыр. Кытайдагы сүйлөшүп койгон инвесторлорго чейин телефон чалышыптыр", - деп кошумчалады кооперативдин мүчөсү.

"Өзүбүздүн жерибизде өзүбүздүн үйүбүз жок. Акчага көпкөндөр ар кандай ушактарды таркатып, 10 миң адамдын үмүтүн кармап жатат бул банк", - дейт митингдин катышуучусу Алапай кызы Мариам.

Учурда митингди 30дан ашуун милиция кызматкери көзөмөлдөөдө.

Чүй-Манас көчөлөрүнүн кесилишиндеги митинг

"Демир банктын" жанындагы митинг

Автор: Акназар Сулайманкулов
Фото: Акназар Сулайманкулов

14:50 29-06-2016

Жазылуу

РУБРИКАДАГЫ СОҢКУ КАБАРЛАР

21:29 2025-05-15 | Саясат

Кызматын алмаштырган Бекболотовдун министрлик ордунун милдетин орун басары аткарат 78 0

21:13 2025-05-15 | Саясат

Сүйүнбек Касмамбетовдун ордуна Марат Иманкулов келди 233 0

20:42 2025-05-15 | Саясат

Кыргыз-түрк экономикалык кызматташтыгы талкууланды 132 0

20:21 2025-05-15 | Коом жана турмуш

Министр Ажикеев Ак-Талаадагы жер титирөөдөн жабыркагандардан кабар алды 234 0

19:49 2025-05-15 | Түркүн дүйнө

Түркияда катуу жер титирөө болду. Зеленский ал жакта 1030 0

19:30 2025-05-15 | Коом жана турмуш

Садыр Жапаров УКМК кармаган акимди кызматынан алды 1486 0

Архив

Комментарийлер (9)

OMURBEK.

2016-06-29 15:39:05

Бизд кандай инвестор болбосун кыргызстанда жумуш кылуу учун жогор жака доля беруусу керек бербесе кылган иши пайдабы зыянбы карабайт да уруксаат бербейт доля албаса алардын ден соолугу начарлап ооруп калышбайбы

Samchuk

2016-06-29 16:11:46

OMURBEK., туура айтасын кошулам! кайсы бир жылдары бир таанышыбыз кытай компаниясы инвестор болот жумуш ордулары тузулот, деп суйунуп жургон эле, жогору жактагылар шапка сурап турубалды ал компанияны курууга кеткен акчадан да коп шапка сурашты. Инвесторлор ага конбоду. Ошон учун жумуш ордулары жок кыргыз калкы чет жерлерде кыйналып журушот.

E.TARZAN

2016-06-29 16:14:06

Балыка суу керек дегендей, биздин чиновниктерге пара керек болуп атпайбы)))).Кыргызстан жалпыбыздын үйүбүз.Алар келип биздикилерди үйлүү кылып койушса болду да.

Rifle_S

2016-06-29 18:36:40

Кыргызстан - жалпыбыздын үйүбүз эмес . Кыргызстан биздин үй. Келе тургандар конокко гана келишсин, түбөлүк жашоого келбесин.

Samchuk

2016-06-29 16:15:35

Ошондой эле Ипар компаниясы мисалы, курулган жакшынакай завод дары-дармектер озубуздо чыкмак, канчалаган химик-биологдорубуз жакшынакай лабораторияда жумуш менен камсыз болмок. Курулгани даяр завод ушул кунго чейин ачылбай турат. Себебин эч ким билбейт. Менимче аган да шапка сурашса керек. Мен дагы абитуриент туугандарымды угуттоп койгом, ушундай завод курулубатыптыр. Хим-биолог болгула ошол фарм.компанияда иштоейсинер деп )))

mikasa2

2016-06-29 16:34:49

Банкта саясат жок, бул компания эл аралык алдыамчылыкка тийиштуу го. Чыккан элдер толук тушунуп анан чыгышы керек. Банк эч качан акча эсеп эчкан адамдан качпайт.

salfego

2016-06-29 17:06:51

Алар элди алдап эле жатпайбы!! Кайсы эле инвестор 10000 кишиге за ГРОШИ уй салып берсин!! Чондору МММ дей эле качып кетет

Specsgruppa_NSS

2016-06-29 18:00:45

10 мин адамга эсеп ачып, алардын акчасын сактоо менен банк жакшы эле киреше тапмак да. Бирок тиги инвесторлордон шек санап баш тарткандыр. Элдер жакшылап ойлонуп койсо болмок. Кайда айдаса ошол жакка бара бербей.

vangolu

2016-06-29 20:41:33

демир банктан жабыркагандар кобойду.кредит карта берип 3-4 жыл откондон кийин 10 мин ден ашык карызсынар деп кагаз жонотот экен

Комментарий калтыруу үчүн өз ысымыңыз менен кириңиз же каттоодон өтүңүз.