Айыл чарба министрлиги II жарым жылдыкта 300дөн ашык күнөскана курууну пландоодо

Айыл чарба министрлиги II жарым жылдыкта 300дөн ашык күнөскана курууну пландап жатат. Натыйжада тамчылатып сугаруу системи күч алат. Бул тууралуу бүгүн, 21-июлда Кыргыз Республикасынын Айыл чарба, тамак-аш өнөр жай жана мелиорация министри Турдуназир Бекбоев билдирди.

Министрдин айтымында, өлкө боюнча 200дөн ашык трактор банк аркылуу дыйкандарга лизингге берилет. Талаачылыктан өндүрүлгөн товарды сатууга көмөк көрсөтүү үчүн кайра иштетүүчү ишканалар жана ар бир облуста логистикалык борборлор ачылмакчы.

"Премьер-министр Сооронбай Жээнбековдун тапшырмасын аткаруу максатында ар бир облуста экиден заманбап касапкана ачууну ишке ашырабыз. Ал эми алдыда өсүмдүк жана мал чарба продукциясынын сапатын аныктаган эл аралык стандарттарга жооп бере турган атайын лабораторияларды курууну максат кылып, облустук, райондук бийлик органдары менен биргеликте
иш-аракеттерди жасайбыз", - деп кошумчалады министр.

Маалыматка ылайык, үстүбүздөгү жылдын II жарым жылдыгында жаңы иштетилүүчү жерлерди өздөштүрүү үчүн Кадамжай районунун Бүргөндү ирригациялык курулмасы, Ак-Талаа районунун Ак-Сай дарыясына суу тосмо курулуп, Кадамжай районунун Кара-Кыштак каналы ишке кирмекчи.

Мындан сырткары өлкө боюнча 300дөн ашык жаңы күнөскана куруу министрликтин негизги милдеттеринин бири экени айтылды.

Автор: Акназар Сулайманкулов
Фото: Акназар Сулайманкулов

17:42 21-07-2016

Жазылуу

РУБРИКАДАГЫ СОҢКУ КАБАРЛАР

08:52 2025-05-14 | Коом жана турмуш

Чүйдө автоээнбаштык жасаган айдоочу айыпка жыгылды (видео) 59 0

08:38 2025-05-14 | Коом жана турмуш

Саламаттык сактоо министрлиги Бишкектеги медкызматкерлерге кайрылды 200 0

08:26 2025-05-14 | Коом жана турмуш

Бүгүнкү күнгө карата аба ырайы 141 0

08:20 2025-05-14 | Коом жана турмуш

Америкада кыргыз тилин үйрөткөн Уларбек агай: "Чет элдик студенттер тилди бат эле үйрөнүштү" (маек) 714 0

08:17 2025-05-14 | Коом жана турмуш

Кыргызстанда доллар менен евронун наркы 205 0

00:39 2025-05-14 | Түркүн дүйнө

Палестина калыбына келүү үчүн 15 жыл керек 875 0

Архив

Комментарийлер (1)

tyrgon

2016-07-22 11:51:08

Азыр ыссыкколдо ар бир уйбулоо теплица салганга оз уйбулоо каражаттары менен салганга чамданууда аябай кулкумуштуу эл Эмне кылса окмот ошону кылат экен да мен ойлогом окмот бир нерсе кылса эл ошону кылатгоо деееп

Комментарий калтыруу үчүн өз ысымыңыз менен кириңиз же каттоодон өтүңүз.