Өлкөдө алгачкы жолу Ош шаарында актёр Сүймөнкул Чокморовдун эстелиги орнотулат

Өлкөдө алгачкы жолу Ош шаарында актёр Сүймөнкул Чокморовдун эстелиги орнотулат. Бул тууралуу бүгүн, 12-августта SUPER.KG порталына эстеликтин архитектору Төрөбай Дилибаев билдирди.

Учурда Чокморовдун эстелигин орнотуу аракеттери көрүлүүдө. Ош шаардык мэриясы шаардагы "Жеңиш" багынан жер бөлүп берген.

"Эстеликтин эскизин даярдадык. Азыркы убакта даярдыктар көрүлүп жатат. Негизинен эстеликтин бийиктиги 10 метрди түзөт. Чокморовдун ат минип турган элеси түшүрүлөт. "Жеңиш" багына окуу учурунда 40 миңге жакын студент келип эс алат. Эстеликти тургузуу менен миңдеген жаштарга тарбиялык таасир беребиз", - дейт Дилибаев.

Маалым болгондой, эстеликти ачуу аземи 4-октябрь - Ош шаарынын күнүнө карата белгиленет. Эстеликтин айланасына гүл отургузулат. Чокморовдун эстелиги буга чейин өлкөнүн эч бир аймагына орнотулган эмес.

Сүймөнкул Чокморов талантынын көп кырдуулугу менен көпчүлүккө кеңири таанылып, кыргыз көркөм өнөрүнүн казынасына өзүнүн бай үлүшүн кошкон. Ал 1939-жылы 9-ноябрда Чүй облусунун Аламүдүн районуна караштуу Чоң-Таш айылында туулган. Чокморов "Кыргыз ССРинин Эл артисти", "СССРдин Эл артисти", "Кыргыз ССРинин Эл сүрөтчүсү" наамдарын алган. Кыргыз ССРинин Токтогул атындагы Мамлекеттик сыйлыгынын лауреаты болгон. Мындан сырткары Чокморов "Караш-караш", "Көк жал", "Кызыл алма", "Жетинчи ок" тасмаларына катышкан. Ал 1992-жылы көз жумган.

Автор: Акназар Сулайманкулов
Фото: Интернеттен алынды

10:36 12-08-2016

Жазылуу

РУБРИКАДАГЫ СОҢКУ КАБАРЛАР

00:39 2025-05-14 | Түркүн дүйнө

Палестина калыбына келүү үчүн 15 жыл керек 335 0

00:37 2025-05-14 | Түркүн дүйнө

Трамп Сирияга каршы санкцияларды алып салууну пландап жатканын билдирди 235 0

00:27 2025-05-14 | Кылмыштар, кырсыктар

Бишкекте алдамчылыкка шектелген жаран кармалды 174 0

00:02 2025-05-14 | Түркүн дүйнө

Трамп Кытай АКШнын товарларына өз базарын ачууга макул болгонун айтты 258 0

23:28 2025-05-13 | Түркүн дүйнө

Пакистан Индия менен болгон кагылышуудагы адам курмандыктарын санады 752 0

23:04 2025-05-13 | Саясат

Депутат: "Ивесторлордун бардыгы Жапаров менен Ташиевге ишенишкенинен келип жатышат" (видео) 351 0

Архив

Комментарийлер (2)

asmera

2016-08-12 12:04:43

"...Чокморов "Караш-караш", "Көк жал", "Кызыл алма", "Жетинчи ок" тасмаларына катышкан".

Тасмага катышпайт, тасмага тартылат, жыйынга, иш-чарага катышат.

Sekainohana

2016-08-12 18:15:23

Kop kyrduu talant, men jakshy korgon akter. Kyrgyzdyn jyzy Syimonkul

Комментарий калтыруу үчүн өз ысымыңыз менен кириңиз же каттоодон өтүңүз.