Боом капчыгайында жүргүнчүлөрдү ташыган кичи автобус оодарылып, 7 адам жабыркады

Боом капчыгайында жүргүнчүлөрдү ташыган кичи автобус оодарылып, 7 адам жабыркады. Бул тууралуу бүгүн, 24-августта Патрулдук милициянын Чүй облусундагы башкармалыгы SUPER.KG порталына билдирди.

Патрулдук милициянын маалыматына караганда, жол кырсыгы 23-август күнү Бишкек-Балыкчы унаа жолунун 126-чакырымында болгон. Анда Ысык-Көлдөн келе жаткан кичи автобус жеңил унааны ашып өткөн учурда дөңгөлөгү жарылып, оодарылып кеткен. Анын кесепетинен 7 адам жабыркап, Кемин райондук ооруканасына жеткирилген.

Учурда техникалык, соттук-медициналык экспертизалар дайындалды.