17 жаштагы лицейдин окуучусу Кыргыз өлкөсүн велосипед менен 30 күндө айланууга сапарга чыкты

Бишкектик Ринат Зарыпбек уулу Кыргыз өлкөсүн 30 күндө велосипед менен кыдырып, улуттук рекорд койгонго бүгүн, 25-августта аттанды. Бул тууралуу SUPER.KG порталына Ринат Зарыпбек уулу өзү билдирди. Ал жүрө турган жолдун узундугу 5 миң чакырымга барабар.

Ринат Зарыпбек уулу спорт менен профессионалдык деңгээлде машыкпайт. Спорттун бул түрү менен алектене баштаганына 1 жылдай болду. Буга чейин Ринат велосипеди менен 2015-жылы Ысык-Көлгө турга чыгып, 300 чакырымды 17 саатта басып өткөн. Ошондон бери алыскы сапарларга чыгып турат. Анын айтымында, бул сапардын башкы максаты - кыргыз элин дени сак жашоого үгүттөө. "Велоспорттун сүйүүчүлөрү 20-30 жаштагылар, алардын арасында бул спорттун түрүн жайылтып, адамдын мүмкүнчүлүктөрү чексиз экенин көрсөткүм келет", - дейт Ринат Зарыпбек уулу.

Ал өтө турган жолдун айрым аймактары кооптуу экенин, жолдо ар кандай оорчулуктар жараларын түшүнүп турганын айтып, бул маршрутту басып өтүш үчүн бардык мүмкүнчүлүгүн жумшай турганын билдирди. Белгилей кетсек, ал бийик тоолуу, адамдар жашабаган, жапайы жаныбарлар байырлаган аймактар аркылуу да жүрөт.

Учурда Ринат Зарыпбек уулу Бишкек шаарынан чыгып, Талас облусун көздөй бет алганын айтты.

Автор: Үмүт Абдраимова
Фото: Кайрат Бекмамбетов

15:53 25-08-2016

Жазылуу

РУБРИКАДАГЫ СОҢКУ КАБАРЛАР

10:44 2025-05-14 | Маданият, шоу-бизнес

Асел Кадырбекова Бишкек шаардык кеңешинин Ардак грамотасы менен сыйланды 465 0

10:42 2025-05-14 | Кылмыштар, кырсыктар

Курулушта коопсуздукка кайдыгер караган деп компания жетекчиси жана бийлик өкүлү кармалды 342 0

10:16 2025-05-14 | Спорт

Кыргызстандык спортчу парадзюдо боюнча эл аралык мелдеште коло байгеге ээ болду (видео) 187 0

10:06 2025-05-14 | Түркүн дүйнө

Өзбекстандын жарандары 1-июндан тарта Кытайга визасыз кире алышат 361 0

10:00 2025-05-14 | Кылмыштар, кырсыктар

Караколдо менчиктештирилип кеткен соода базасы мэрияга өткөрүлдү (видео) 218 0

09:51 2025-05-14 | Коом жана турмуш

Нарындагы жер титирөө: Ак-Талаада 99 үйдүн дубалынан жарака кеткен 470 0

Архив

Комментарийлер (8)

simone

2016-08-25 16:18:05

Азамат!

adimyrza

2016-08-25 16:24:30

Ак жол

abusait

2016-08-25 16:28:00

Жолдо этият боло кор. Жапайы жаныбарлардан да машина айдаган маймылдар ото кооптуу.

+14

nuridindosmatov

2016-08-25 18:31:22

Ошко келгенде айтып кой чай-пай кылавыз......

mambo-1984

2016-08-25 20:34:01

Абайла карангыда айылдардагы маймылдар велосипединди тартып албасын

Guli000

2016-08-26 12:38:25

mambo-1984,Азыр наборот болуп калган жанылыктын баарын окуп чыккын, шаардык маймылдар коп тартип бузуп аркандай себеп мн эркинен ажырап жатат,айылдыктарда кичине болсода ыйман ынсап бар!

white_angel

2016-08-26 06:07:03

Окуу башталаарда турга чыкканын)))) тамаша, азаматсын,сендей балдар кооп болсун!

Janym_ata_enem

2016-08-26 22:52:32

Мен былтыры Жалалабадка велик менен барам деп Тоо-ашууга жеткенимде машинага чыкканга аргасыз болгом. (жамгыр катуу жаап жиберген.

Комментарий калтыруу үчүн өз ысымыңыз менен кириңиз же каттоодон өтүңүз.