"Саякбай" тасмасында Саякбай Каралаевдин образын Бопуш деген ат менен таанылган актёр Марат Жанталиев жаратты (сүрөттөр)

Саякбайдын жаш кези

Актёрлорду даярдоо учуру

Элдар Айтматов, Нурзат Токтосунова, Марат Жанталиев

Элдар Айтматов, Санжар Абдыжапаров, Марат Жанталиев

Саякбай Каралаевдин үйүн куруу учуру

Саякбай Каралаевдин үйүнүн көрүнүшү

Саякбай Каралаевдин үйүнүн алыстан көрүнүшү

Тартуучу топ актёрлор менен

Кыргыздын улуу манасчысы Саякбай Каралаев тууралуу "Саякбай" тасмасын тартуу иштеринин башталганына бир жума болду. Учурда тартуу иштери Ысык-Көлдө кызуу жүрүп жатат. Тасмада Саякбай Каралаевдин образын көпчүлүккө Бопуш деген ат менен таанылган актёр Марат Жанталиев жаратууда. "Марат Жанталиевди көпчүлүк куудул актёр катары тааныйт, андыктан олуттуу образды кантип аткарып жатат?" деген сурообузга тасманын режиссёру Эрнест Абдыжапаров мындайча жооп узатты:

"Марат Жанталиев чанда кездешчү таланттуу актёрлордун бири. Ал Москвадагы кинематографисттердин институтун бүтүп келген. Кийин гана үй-бүлөсүн багуу үчүн куудулдук өнөр менен алектене баштаган. Негизи, кыргыз элинде куудулдар жөнөкөй эмес адамдар, алар олуялык мүнөзгө да ээ болушкан. Манасчылар элдин маанайын көтөргөн, актёрдук жөндөмгө да ээ көп кырдуу инсандар болушкан.

Саякбай атанын жүзүнөн дайыма нуру төгүлүп турган. Олуттуу болуп, кабагын бүркөп Манас баянын эле айта берген эмес, керек учурда элди күлдүрүп турган тамашакөй да инсан болгон. Марат Жанталиевде ушунун баары бар. Албетте, алгач образга кирүүсү кыйыныраак болду, азыр көнүп калды".

Белгилей кетсек, тасмада жазуучу Чыңгыз Айтматовдун ролун кичүү уулу Элдар Айтматов ойнойт. Ошондой эле тасмада алып баруучу Нурзат Токтосунова, актрисалар Рахат Божокоева, Альбина Имашова, Ширин Сарыгулова роль жаратышкан.

Автор: Турсунай Алымкулова
Фото: Интернеттен алынган

19:31 02-09-2016

Жазылуу

РУБРИКАДАГЫ СОҢКУ КАБАРЛАР

22:31 2025-05-11 | Коом жана турмуш

"Сыймык жана милдет". Кызыл аянтта парадга катышкан Улуттук гвардиянын аскерлери кайтып келишти (видео) 659 0

21:07 2025-05-11 | Кылмыштар, кырсыктар

"Окуяга тиешеси барлар жазаланган". Жоокерлерге үстөмдүк көрсөткөн видео боюнча ӨКМ билдирүү таратты 2584 0

20:35 2025-05-11 | Түркүн дүйнө

Путин менен Эрдоган Орусия менен Украинанын түз сүйлөшүүлөрүн кайра баштоону талкуулашты 973 0

19:22 2025-05-11 | Коом жана турмуш

Жоокерлерге үстөмдүк көрсөтүлгөн видео социалдык баракчаларга тарады 2658 0

17:54 2025-05-11 | Кылмыштар, кырсыктар

Ысык-Көлдүн жолдорунда эреже бузган айдоочулар дрон менен аныкталып жатат (видео) 1059 0

17:21 2025-05-11 | Спорт

Өлкөнүн бокс боюнча жаштар курамасы Шри-Ланкада өтө турган Азия чемпиондугуна жөнөп кетти (тизме) 534 0

Архив

Комментарийлер (21)

adyl.por

2016-09-02 20:22:16

Курманжан датканы Эрнис ага тартыш керек болчу

+11

Riokyrgyz

2016-09-03 02:31:47

adyl.por,азыркы тартканы начар бекен?ыраазы эмессинби?☆

-5

aikol87

2016-09-02 21:02:00

Озуго,аябай окшошуптур)))

Akno2016

2016-09-02 21:07:57

Бир караганда саякбай каралаевдин эле озу болуп калыптыр чынында эле

Muhtaruulu

2016-09-02 21:37:35

Саякбай ата, тирилип келгенби деп коём)))

sabyr86

2016-09-02 22:10:44

Жана инстрагамдан көрүп тааныган жок элем.окшошуп калыптыр.

gul3ina

2016-09-02 22:18:13

Окшоштугу укмуш экен тобоо.Ийгилик ишинерге жакшы кино болот деп ишенем

Ibi86kg

2016-09-02 22:31:22

Кино жаатында биздикилер эми сонун иштеп башташты.

Sara07

2016-09-02 23:05:38

Гример жакшы иштейт экенда ,окшоптур !

bella.8712

2016-09-03 00:42:30

Копиясы болуптур ийгилик силерге

AIZAD

2016-09-03 02:41:56

Эрнест агабыз алысты корот!!!!

zarlyk2211

2016-09-03 02:59:49

Эң соонун. Ийгилик Эрнис агабызга. Тарбиялуу мааниси күч болот деген үмүттөмүн.

Aima94

2016-09-03 03:41:01

Мынча жакшы. Ийгилик баарынарга

Kroxa

2016-09-03 08:17:09

Соонун ай соонун баары соонун...

aikokul14

2016-09-03 09:31:32

Окштурган гриммёрлорго рахмат.

Totyua.71.

2016-09-03 10:43:25

Азамат, эн сонун Марат Жанталиевге ишенебиз куюп койгондой окшошуптур Саякбай атага арбагы колдосун!Ийгилик !Гриммдегендерге да рахмат окшоштурушуптур азаматтар!

Комментарий калтыруу үчүн өз ысымыңыз менен кириңиз же каттоодон өтүңүз.