"Аялымдын өлүмүнө себепкер болгон айдоочу бул аптада табылбаса, прокуратура жана башка мекемелерге арыз жазам" дейт маркумдун күйөөсү

"Аялымдын өлүмүнө себепкер болгон айдоочу бул аптада табылбаса, прокуратура жана башка тиешелүү мекемелерге арыз менен кайрылам". Бул тууралуу бүгүн, 12-октябрда SUPER.KG порталына жол кырсыгынан каза тапкан жаш келиндин жолдошу Айбек Нуранов билдирди.

"Каргашалуу окуя болуп, жубайым Жанарадан айрылганымдан бери 3 жума өттү. Кылмышка шектүү Рустам Жалиловду издөө иштери учурда да уланып жатат. Ишти карап жаткан кызматкерлер ал табылат деп убадалашкан. Алардын айтымында, эң узак дегенде бир ай аралыгында табылат экен. Эгер кылмышка шектүү бул жумада табылбаса, мен прокуратура жана башка тиешелүү мекемелерге арыз менен кайрылууну көздөп жатам. Менин оюм боюнча, бул жерде акча роль ойнобосо, кылмышка шектүү табылышы керек. Ал эми акча аралашкан болсо, анда кылмышка шектүү документтерин жасатып Казакстандан деле чыгып кетиши мүмкүн да", - дейт маркумдун жолдошу.

Анын айтымында, учурда энесиз калган 2 жаштагы жана 3 айлык кыздарын кайненеси кароодо.

Эске салсак, жол кырсыгы 21-сентябрда саат 17:30 чамасында Бишкектин түштүк-батыш тарабындагы көрүстөндүн жанында орун алган. Анда жол тандабас унаасын башкарган Р.Жалилов аттуу айдоочу жолдо 2 баласы менен кетип бараткан 23 жаштагы келинди сүзүп, окуя болгон жерден изин жашырып кеткен. Оор жаракаттарды алган жаш эне ооруканага жетпей каза тапкан . Арадан көп өтпөй аталган айдоочу дагы бир жаранды сүзүп, андан соң май куюучу жайдын тосмосун сүзүп токтогон. Кылмышка шектүү ал жерден да кетип, 22-сентябрга караган түнү Казакстанга өтүп кеткен.

14:10 12-10-2016

Автор: Мальвина Уметбекова
Фото: Мальвина Уметбекова

Жазылуу

РУБРИКАДАГЫ СОҢКУ КАБАРЛАР

11:34 2024-05-12 | Спорт

Эрназар Акматалиевдин Олимпиададагы дагы эки атаандашы аныкталды 107 0

10:49 2024-05-12 | Коом жана турмуш

Руслан Акундун “Бейиш эненин таманында” тасмасы Москвадагы фестивалда баш байгени алды 338 0

10:28 2024-05-12 | Коом жана турмуш

Санкт-Петербургда дарыяга кулаган автобус: ТИМ билдирүү жасады 980 0

09:42 2024-05-12 | Түркүн дүйнө

Казак дипломатынын аялы күйөөсүнүн кыйноолорунун чоо-жайын айтып берди 1005 0

09:20 2024-05-12 | Спорт

Дагы бир кыргыз балбаны Париж Олимпиадасына жолдомо утту 690 0

19:48 2024-05-11 | Саясат

Садыр Жапаров Малайзиянын премьер-министрине көңүл айтты 2290 0

Архив

Комментарийлер (12)

ainur78007

2016-10-12 14:15:29

Ушул суротту коргон сайын бобокторго боорум ооруп. ыйлап алам.3 айлык бобок эмгиси келип ыйлап аткандыр.Эртерээк кармалып,жазасын алса экен ХХХ.

+10

admin_superstan

2016-10-12 15:13:31

ainur78007, этика нормаларын сактоону сунуштайбыз. Оозеки эскертүү!

-8

zahira

2016-10-12 15:15:46

Менин дагы козумо жаш келип кетти. Бобокторго боорум ооруп жатат, тиги ХХХ кармашып омур бою эркинен ажыратышса экен. :(

admin_portal

2016-10-13 11:07:49

zahira, этика нормаларын сактаңыз!

-2

kumushai

2016-10-12 16:08:28

Ииии менда ыйлагым келип кетти 3 айлык бала бечара эмгиси келип, апасын билбей калат экенда

Aramisa

2016-10-12 16:26:08

Байкуш балдар бешенесине ушул нерсе жазылган экен да.((

Arlenchik

2016-10-12 16:59:22

Органдагылар акылынар ыйманынар болсо алчусун алып култуйуп отуруп калбай эки кичине наристени жетим калтырган ХХХ кармап жазасын бергиле.Негизиле ушу ичип алып айдагандары айдоочулук укуктан ажыратып салса туура болот боодо бироолорду кырсыка учуратпай.

admin_portal

2016-10-13 11:19:50

Arlenchik, этика нормаларын сактаңыз!

-2

vangolu

2016-10-12 20:01:25

Арман деп ушуну айт.Наристе энесиз калды.Апасы кызын остуруп турмушка узатып небере кутуп бирок кызынан айрылды.эмне деген шумдук.журогум эзилип кетти.

Nazikbaigazy

2016-10-13 02:01:13

Жол тандабас машинасы мн сузгонго караганда акчасы бар немего биздикилердин оозун жакшы эле жаап коюптур,эгер ушул тико болгондо Казахстанга кетмек турсун шаг жылдырбай кармап калат эле

Stervamyn

2016-10-13 16:14:04

Табылып калат деп кутпой сразу кайрылчу жерлерге кайрылбайбы?!Кудай жазасын берсин ошол ХХХ

admin_portal

2016-10-13 17:09:26

Stervamyn, этика нормаларын сактаңыз!

Комментарий калтыруу үчүн өз ысымыңыз менен кириңиз же каттоодон өтүңүз.