100гө жакын адам "Дыйкан" базарынын жабылуусуна каршы чыкты

Бүгүн, 24-октябрда "Дыйкан" базарда анын жабылбашын талап кылган 100гө жакын адам нааразычылыкка чыкты. Сатуучу Санабар Исмаилова дагы алардын катарын толуктайт.

"Ленин районунун администрациясы, шаардык мэрия элди кыш келгенде кыйнабасын. "Сары-Өзөндөн" орун даярдагыча бир топ убакыт кетет. Бизди 8 жыл мурда "Баткен" базарынан милиция кызматкерлери дубинка менен сабап, 8 аялды камашкан. Азыр "Дыйкан" базарынан форма кийген милиция кызматкерлерин көрүп, коркуп жатабыз. Бизди базардан кетирбесин, базарды жаппасын деген талапты коёбуз", - дейт Исмаилова.

Базардын администрациясы "Базар жабылбайт, эч ким күчкө салып көчүрө албайт. Ушак сөздөргө ишенбегиле, соодаңыздарды уланта бериңиздер" деген чакырык жасады.

"Дыйкан" базарын "мунай базага жакын жайгашкан" деген шылтоо менен жапканы жатат. Бул базар 2008-жылы ачылган. Ал эми база 2010-жылы кампа болуп курулган. Ошондуктан базарды жабууга каршы болуп жатабыз", - дейт сатуучу Гуля Курамаева.

Маалым болгондой, базарда иштегендер Ленин райондук администрациясынын акими менен жолугууга чогулушкан.

"Базар которулса, соодагерлер менен милиция кызматкерлери кагылышы мүмкүн. Жаңжал болуп, эл жабыркабасын. Бул жердегилердин көбү насыя алып иштеп жатат", - дейт сатуучу Сабира Музалдиева.

Нааразы болгон элге жолукканы келген райондун акими Нурдин Тынаев соодагерлер 10-ноябрга чейин кетиши керектигин эскертип, чогулгандарды укпай, жоон топ милиция кызматкерлеринин коштоосунда кетти.

Эске салсак, үстүбүздөгү жылдын 14-октябрында Бишкек шаардык мэриясы аталган базардын жабылгандыгы тууралуу билдирүү тараткан.

Автор: Акназар Сулайманкулов
Фото: Акназар Сулайманкулов

13:22 24-10-2016

Жазылуу

РУБРИКАДАГЫ СОҢКУ КАБАРЛАР

08:52 2025-05-14 | Коом жана турмуш

Чүйдө автоээнбаштык жасаган айдоочу айыпка жыгылды (видео) 59 0

08:38 2025-05-14 | Коом жана турмуш

Саламаттык сактоо министрлиги Бишкектеги медкызматкерлерге кайрылды 200 0

08:26 2025-05-14 | Коом жана турмуш

Бүгүнкү күнгө карата аба ырайы 141 0

08:20 2025-05-14 | Коом жана турмуш

Америкада кыргыз тилин үйрөткөн Уларбек агай: "Чет элдик студенттер тилди бат эле үйрөнүштү" (маек) 714 0

08:17 2025-05-14 | Коом жана турмуш

Кыргызстанда доллар менен евронун наркы 205 0

00:39 2025-05-14 | Түркүн дүйнө

Палестина калыбына келүү үчүн 15 жыл керек 875 0

Архив

Комментарийлер (3)

keba300989

2016-10-24 13:27:30

Биринчи базарды куруп анан айдасаңар болот эле, Курсагы ток бала менен Курсагы ач бала ойнобойт деген ушул экенда, карапайым элди ойлосоңор болмок эртегеле жалдырап келесиңер шайлап койгула деп.

ali96

2016-10-24 14:42:07

keba300989,жаны базар ачылган...Жибек Жолу Фучик жакта

fanatka19

2016-10-24 16:59:39

Жаба турган болсо эмнеге ачышты,башында ойлонбой былжырап ачып алышып,эл көнүп калганда жабабыз дешип.

Комментарий калтыруу үчүн өз ысымыңыз менен кириңиз же каттоодон өтүңүз.