Карга оронгон Бишкек шаарына бийиктен көз салуу (фоторепортаж)

Оңдоп-түзөөдөн өтпөгөн жолдордо көлчүктөр жаралып, бул айдоочуларга да, жашоочуларга бир топ ыңгайсыздыктарды жаратууда.

Бишкек шаарынын четинде жайгашкан конуштар

"Манас" аэропорту-Бишкек жолу

"Ала-Тоо" борбордук аянты

Токтогул Сатылганов атындагы Кыргыз улуттук филармониясы

Чүй кең көчөсүндөгү Эл аралык университеттин бийиктен көрүнүшү

Бишкек шаарынын бийиктен көрүнүшү

Быйыл октябрь айы мурунку жылдарга салыштырмалуу жаан-чачындуу аба ырайы менен коштолуп жатат. Бүгүнкү жааган кар эгиндери жыйналбай жаткан дыйкандар, кышка даярдыгы жок көпчүлүк жарандар үчүн күтүүсүз болгону талашсыз. "Эрте келген кыш мезгилине Бишкек шаары даярбы?" деген суроо менен мэриянын басма сөз кызматынын башчысы Гуля Алмамбетовага кайрылдык.

"Бүгүн Бишкек шаары бардык тармактар боюнча кышка даяр. "Тазалык" муниципалдык ишканасынын кызматкерлери тазалыкты көзөмөлдөшөт. Жолго төгүүгө жалпы 3100 тонна кум, 450 тонна туз алынды. Туз бак-дарактарга зыян болгондуктан, мэр Албек Ибраимовдун "аз өлчөмдө колдонгула" деген тапшырмасы менен аз туз даярдалды.

Тротуарларды тазалоого кичинекей унаалар алынган. Кар көп жаап жиберсе, бир түндө тазалап чыга алабыз. Бишкек жылуулук борборунун маалыматына ылайык, учурда 98-99 пайыз үйлөргө жылуулук берилди. Карызы бар, оңдоп-түзөө иштери жүргөн же кээ бир техникалык себептерден улам берилбей жаткан жайларга бүгүндөн тарта жылуулук бериле баштайт", - дейт Г.Алмамбетова.

Жогорудагы сүрөттөр аркылуу карга оронгон шаар кооздугун жана оңдоп-түзөөдөн өтпөгөн жолдордо көлчүктөр жаралып, айдоочуларга, жашоочуларга да бир топ ыңгайсыздыктарды жаратып жатканын көрүүгө болот.