Базар-Коргон районунда мектептин чатырынан кулаган окуучунун апасы: "Уулум көрбөй жатат, директордун кызматтан кетүүсүн талап кылам"

Жабырланган окуучу

Чатырдан кулаган окуучунун апасы Тиллекан Ибраимова

Кырсык болгон Токтогул атындагы мектеп

Базар-Коргон районунда мектеп чатырынан кулап кеткен окуучунун абалы оор болууда. Бул тууралуу бүгүн, 20-январда SUPER.KG порталына Базар-Коргон районунун тургуну, кырсыкка кабылган окуучунун апасы Тиллекан Ибраимова билдирди.

"Баламдын абалы оор болууда. Дарыгерлер баланын баш мээси катуу чайкалган деп жатышат. Азыркы учурда балама дары берип уктатып коюшту. Ойгонгон сайын башым деп кыйкырып жатат. Уулум бир көзү такыр көрбөй калганын, экинчиси жакшы көрбөй жатканын айтууда. Мен ооруканага келгенче дарыгерлер бутун гипс менен таңып коюшуптур. Паспортумду, зер буюмдарды күрөөгө коюп 10 миң сом карыз алдым. Каражат таппай баламдын ден соолугу үчүн ар кимден карыз сурап жүрөм", - дейт Ибраимова.

Тиллекан Ибраимова мектеп директоруна кылмыш иши козголуп, баласынын ден соолугу үчүн жооп бериши керектигин айтууда. Анын 3 уул, 1 кызы бар. Чатырдан кулаган Маматкерим уулу Муса кичүү баласы.

"Директордун кызматтан алынышын талап кылам. Баламды чатырга чыгарбашы керек болчу. Абалыбызды сурап ооруканага басып келип койгон жок. Бизди "колунда жок, колунан эмне келмек эле" деп тоготпостук кылып жатат. Ал эми кечээ баламдын класс жетекчиси, 2-3 мугалим каражат чогултуп, 5 миң сом беришти. Бул каражат да баламдын ден соолугун калыбына келтирүү үчүн жетпейт", - деп кошумчалады Ибраимова.

Эске салсак, Жаңы-Акман айылындагы Токтогул атындагы мектептин 10-классынын окуучусу чатырдагы тууну алуу үчүн чыгып, тайгаланып кулап кеткен.

13:03 20-01-2017

Автор: Акназар Сулайманкулов
Фото: Өздүк булактар

Жазылуу

РУБРИКАДАГЫ СОҢКУ КАБАРЛАР

17:40 2024-04-24 | Саясат

Кыргызстан менен Азербайжан кызматташуу боюнча документтерге кол койду 71 0

17:35 2024-04-24 | Кылмыштар, кырсыктар

Милиция Чолпон-Атада каза болгон 2 индиялык жаран боюнча маалымат берди 195 0

17:22 2024-04-24 | Саясат

Садыр Жапаров менен Ильхам Алиев тар чөйрөдө сүйлөшүү жүргүзүштү 146 0

17:14 2024-04-24 | Коом жана турмуш

Бишкекте сырткы жарык берүүчү таянычтар иретке келтирилди 154 0

16:55 2024-04-24 | Бизнес-Инфо

MEGA ─ 18 жашта! MegaPay менен коомдук транспортто АКЫСЫЗ жол жүрүү 138 0

16:49 2024-04-24 | Кылмыштар, кырсыктар

Мамлекеттик салык кызматынын бир нече инспектору кармалды (фото) 537 0

Архив

Комментарийлер (12)

asiret

2017-01-20 13:09:55

Жумуштан алып эле тим болбостон куноолуулорго кылмыш ишин козгош керек

zhykyo

2017-01-20 13:21:38

Жакшы болуп кетсин аны баары бир жумуштан алат балам жакшы болуп кетсин деп кудайдан тилениз андан корок

89elnura89

2017-01-20 13:28:45

Аза кунуно карата тууну алдырмак болгонго директор.Эч кимдин куноосу жок бул кырсык, директор баланы сурап барып койсун азыр да кеч эмес.

Arslan.2014

2017-01-20 13:42:28

Класс жетекчисин жоопко тартыш керек,буйрук балага директор тарабынан туз берилбесе керек

Kosmopolitka

2017-01-20 13:47:16

Мектептеги кандай гана кырсык болбосун мектептин админстративи жоопкер болот. Мектептен сабагы аяктап чыккандан сон гана ата-эне жооптуу. Ушундай келишим бар эмеспи. А жабырлануучу айыгып кетсин.

Moskva.kg

2017-01-20 13:50:12

албетте жоопко тартылышы керек

aseras

2017-01-20 13:51:53

Окуучу милдеттуу эмес да тууну алганы.Башка адам чыгыш керек дворник же кароол.Кырсык артынан кырсык болуптур да Аллахым шыпаа берсин

Boldukan86

2017-01-20 14:03:12

тууну окуучулар алганга милдеттуу эмес. мугалимден сырт иштегендер толтурада оздору алыш керек болчу. жоопко тартса татыктуу эле.

nurshoola

2017-01-20 14:16:50

Кырсык каш кабактын ортосуда директору дс сурап барып койсо жакшы болмок

Ananai

2017-01-20 14:17:23

Чондору түгөнүп ошол кичинекей окуучуну чатырдын башына чыгарганын карасанар. Ал окуучу каза болуп калганда не болмок эле. Эптуу эстуу эле кишилер карап коюшса болмок экен. Мыйзам чегинде жооп беришсин дейм баарын.

baltabai

2017-01-20 14:24:11

Айгып кетсин

kemel81

2017-01-21 00:04:50

Кырсык да. Сакайып кетсин.

Комментарий калтыруу үчүн өз ысымыңыз менен кириңиз же каттоодон өтүңүз.