MC_Doncha: "Мен видеомдо зордуктоо жөнүндө эмес, Шурыгинанын тарбиясы жөнүндө айттым"

Кыргыз жергесинде белгилүү болгон MC_Doncha "Пусть говорят" телеберүүсүнө каарман катары чыккан Диана Шурыгина тууралуу ролик жарыялап, блоггер Данияр Айтмандын сынына калган. Вайнер видеоролигин өзүнүн гана күйөрмандары үчүн чыгарганын SUPER.KG порталына бүгүн, 10-мартта билдирди. Анын айтымында, ал ролиги менен окуяга эмес, анын каарманынын өзүн алып жүрүүсүнө каршы экенин көрсөткөн. Ал эми акырындагы сөздү жөн гана юмор деп атады.

"Кыргыз жеринде бирөө зордукталса, ал бүтүндөй элге жарыя кылбайт, бизде менталитет башкача. Мен зордуктоо тууралуу эч нерсе деген жокмун, анын тарбиясы тууралуу айттым. Зордуктоо болбошу үчүн ар бир ата-эне кызына да, уулуна да туура тарбия бериши керек. Эмне үчүн дүйнө жүзүнө зордукталганы жөнүндө айтат? Биздин өлкөдө зордукталган кыз "мен ичип алдым, бардым, зордуктап салышты" десе, аны эч ким коргобойт, ата-энеси да "биз татыктуу эмес тарбиялаптырбыз, биз күнөөлүүбүз" дешет. Туура, зордукталган кыз унчукпай отурбашы керек, укук коргоо органдарына арызы менен кайрылсын. Калганын иликтөөчүлөр, соттор бүтүрөт. Эгер адилетсиздик орун алса, анда жүзүн жаап, анонимдүү түрдө коомчулукка чыкса болот. Мен бул видеону күйөрмандарым мындай жорукка барбасын деп, жарыяладым.

3 саат бою телеберүүдө отуруп, бул кыздын тарбиясына, эфирде отуруп алып кыйкырып, апасынын оозун жапканына таң калдым. Данияр Айтман мендей болуп 3 саат анын жанында отурса, башкача ойдо болмок. Ал өзүнүн диванынын үстүндө гана отурган, 30 секунддук роликти көрүп эле жазып койгондой. Ал менин кичинекей кыздарды коргоп жатканымды түшүнгөн жок. Феминисттер мага каршы болуп жатышат, а мен кичинекей кыздарды коргогонум мени феминист кылбайбы?

Ал кыз 4-ирет телеберүүгө чыгып жатат. Ал дагы блоггер. Блоггерлер адамдарга таасирин берет. Аны көргөн кичинекей кыздар үчүн жооптуу экенин түшүнбөй жатат. Бул окуя шоу болуп кетти. Телеберүүнүн рейтингин көтөрүү максатында болду. Андрей Малахов мени ал телеберүүгө чакырып жатканда дагы "макулсуңбу?" деп сурады. Эч кимди "кел" деп кыйнабайт. Дианага эфирге чыгууну сунуштаган, анын келгени эле ката болчу. Биринчи телеберүүгө чакыруунун да кереги жок болчу.

Менин карындашым, эжем бар. Алар үчүн корком. Ал эми күйөрмандарыма айтарым, ал кыздан үлгү алышпасын. Анын келечекте балдары моралдык жактан жабыркайт экенин эске алуу керек", - деди Данияр Токтомаметов.

Автор: Үмүт Абдраимова

16:42 10-03-2017

Жазылуу

РУБРИКАДАГЫ СОҢКУ КАБАРЛАР

11:48 2024-05-19 | Түркүн дүйнө

Пакистанга Бишкекте окуган студенттер отурган учак конду 202 0

11:05 2024-05-19 | Коом жана турмуш

Пакистандын тышкы иштер министри Кыргызстанга келет 468 0

10:56 2024-05-19 | Түркүн дүйнө

Эрдоган 1997-жылы аскердик төңкөрүш жасоого аракет кылган деп өмүр бою соттолгон генералдарды кечирди 496 0

10:10 2024-05-19 | Кылмыштар, кырсыктар

Оштогу Ак-Буура дарыясына аял киши агып кеткен. Куткаруучулар анын жансыз денесин алып чыгышты (видео) 870 0

09:26 2024-05-19 | Түркүн дүйнө

Пакистандын Тышкы иштер министрлиги кыргыз элчисин чакыртты 1082 0

23:57 2024-05-18 | Коом жана турмуш

"Биз мусулманбыз". Бишкектеги пакистандык студенттер видео кайрылуу жасашты 6023 0

Архив

Комментарийлер (7)

ekaterinburg

2017-03-10 16:46:17

Ортодо чон акча,реклама,пиар деген нерселер ойнойт-деп эч ким айтпайт го...

eldar96

2017-03-10 18:07:36

Атын чыкпаса жер өрттө.

ashuular_plus

2017-03-10 20:07:13

Жакшы коммент бериптир Донча, ырларын угуп көрүш керек экен.

tynkatar03

2017-03-10 23:20:49

Данияр Айтманга окшогондорду кресло баатырлар деп коет колдорунан коко тыйын иш келбейт сынданып эле койсо.

nur_zhoni

2017-03-11 00:09:43

Супер админ видеосу болсо шилтемесин берип коюунуздарчы сураныч

ulchana

2017-03-11 14:28:10

Молодец МС донча.Создорун Данияр Айтманга жетиштуу болду окшойт.Ал озун пиарлайын деп сага асылып жатат ага эч конул бурба ,колунан келсе Пуст говорятка барып алсын.Сени коро албай жатат ал.Биз деле ал кыздын тарбиясын коруп атабыз,зордукталган кыз андай болбойт болуш кк.

Alicia

2017-03-11 19:43:19

Yr ollo sonun chygyptyr ! Molodets Doncha!Eger al kyz kyzuu talkuu bolup atsa ar bir adam oz oi pikirin aituuga akysy bar.Daniar a it man joon ele oturbaiby ozunun inisinen jamandyk izdebei.Kimdin kim ekenin ushundaida tushunso bolot

Комментарий калтыруу үчүн өз ысымыңыз менен кириңиз же каттоодон өтүңүз.