Александр Ким Каржы полициясынын сурагынан чыкты. Сурак 3 сааттан ашуун убакытка созулду

"Вечерний Бишкектин" мурдагы ээси Александр Ким Экономикалык кылмыштарга каршы күрөшүү кызматынын сурагынан чыкты. Сурак 3 сааттан ашуун убакытка созулду. Кимди колдоо максатында келген анын кесиптештери сыртта күтүп жатышты.

"Биз протокол менен тааныштык. Мага тагылган күнөөлөр жок жерден чыгарылган. Эч кандай негизи жок. Суракта эмне болгонун ачыкка чыгарбоо тууралуу документке кол койгонум үчүн журналисттерге комментарий бере албайм", - деди Ким.

Мындан тышкары ал кийинки сурак 27-мартта саат 14:00дө өтөрүн баса белгиледи. Ошондой эле ага эч жакка чыкпоо баш коргоо чарасы аныкталганын кошумчалады.

Эскерте кетсек, 2017-жылдын 17-мартында саат 18:30 чамасында аталган кызматтын өкүлдөрү А.Кимди суракка алып кетүү үчүн анын үйүнө келишкен. Бирок Кимдин жакындары жана кесиптештери каржы полициясынын бул аракети мыйзам бузуу экенин айтышып, мекеменин өкүлдөрүнө бөгөт коюшкан. Жыйынтыгында Ким 22-мартта саат 14:00дө Экономикалык кылмыштарга каршы күрөшүү кызматына суракка баруу тууралуу милдеттенме жазган.

Александр Кимдин айынан көп жылдык кирешеден куру калганын айткан Александр Рябушкин 2015-жылы өз пайдасына Александр Кимден 388 миллион сом өндүрүп берүүнү соттон өтүнгөн. Сот ал талапты канааттандырган, бирок Кимдин мүлкү жок болгондуктан аталган сумма табылган эмес. Рябушкин анын ордуна Кимге таандык акцияларды өткөрүп берүүнү өтүнгөн. Биринчи Май райондук соту бул өтүнүчтү канааттандырып, Рябушкин “Рубикондун” 100 пайыз ээси болуп калган.

Александр Ким Каржы полициясынын сурагынан чыкты

Автор: Бекжан Рыскулов
Фото: Бекжан Рыскулов

17:37 22-03-2017

Жазылуу

РУБРИКАДАГЫ СОҢКУ КАБАРЛАР

18:11 2025-06-22 | Түркүн дүйнө

Иран Израилге болгон чабуулда жаңы "Хайбар" ракеталарын биринчи жолу колдонду 3614 0

17:48 2025-06-22 | Коом жана турмуш

Добуш берсе болот... Кыргызстан абройлуу эл аралык туризм сыйлыгынын тизмесине кирди 1040 0

17:04 2025-06-22 | Коом жана турмуш

Шашылыш билдирүү! Бишкекте жана Чүй облусунда катуу шамал болот 769 0

16:31 2025-06-22 | Коом жана турмуш

Сырты да тиешелүү... Ташиев Ысык-Көлдөгү пансионаттардын ээлерине тапшырма берди (видео) 1429 0

15:44 2025-06-22 | Түркүн дүйнө

Иранга болгон сокку... Йемен Кызыл деңиздеги америкалык аскерлерге чабуул коюуга даярданууда 4104 0

15:12 2025-06-22 | Түркүн дүйнө

Ак үй АКШнын Иранга сокку уруусун байкап отургандардын кадрларын жарыялады 3271 0

Архив

Комментарийлер (4)

Benazir08

2017-03-22 18:05:57

Ким деген Ким өзү?! Кыргыздар жокпу Александр Ким дейт го мүлкү жок деп буга окшогондун мүлкү чет жакта болсо керек. Эээ жашоону ушулардан үйрөнүш керек да өзү.

-2

Benazir08

2017-03-22 18:09:23

Ж. Акаевди мандатын ажыратам десе анда Ашабыз керек эместерди тазалап атат окшойт а башында Жанарды бизге керексиң деп көтөрмөлөдү эле

dina1983-19

2017-03-22 18:18:05

Жанар СДПК ны жактап сүйлөбөгөнү үчүн мандатын алабыз деп жатат. Жанар азаматсың мандатыңды алып салсада күн өтө берет. Эң негизгиси сен кудайдын элдин алдында калыс сөзүңдү айт элге ак кызмат кыл.

bahbrat

2017-03-22 21:40:22

Кимди дагы өзүнчө баатыр кылып ийдинерго. Жада калса үйүнө келген кишиден бери жазып

Комментарий калтыруу үчүн өз ысымыңыз менен кириңиз же каттоодон өтүңүз.