Чернобыль апаатына катышкан тургундун кызы: "Атам ден соолугунан ажырады, бирок мамлекеттен жардам албай жатат"

Чернобыль апаатынын катышуучусу Кушбай Шайлыбаевдин кызы

Кушбай Шайлыбаев жубайы менен

Кушбай Шайлыбаев

Ала-Бука районунун тургуну Асел Шайлыбаева бүгүн, 24-мартта SUPER.KG порталына атасы Кушбай Шайлыбаев Чернобыль апаатынан жабыркаганын, бирок мамлекет тарабынан эч кандай жардам албай келерин айтты.

"Биз Ала-Бука районунда жашайбыз. Атам убагында Чернобыль апаатына катышып, ден соолугунан ажырады. Кезегинде өлкөгө кызмат кылганы минтип бааланбай калды. Атам менен чогуу кызмат кылган жолдоштору 10 миң сомго чейин пенсия алышат. Атам буга чейин 2 жылдай пенсия алып жүрдү. Акыркы 2-3 жылдан бери төлөнүп берилбей калды. Ал азыр 60 жаштан ашты. Тиштери түшүп, кырсыктын терс таасири тийип жатат", - дейт А.Шайлыбаева.

Маалыматка ылайык, Украинадагы Чернобыль апааты 1986-жылдын 26-апрелинде болгон. Кырсык болгон жерге жакынкы 30 чакырым аралыктагы 115 миң адам коопсуз жайга көчүрүлгөн. Жарылуу орун алган аймакты калыбына келтирүүгө Советтер союзунун курамындагы өлкөлөрдүн миңдеген аскерлери тартылган.

Автор: Акназар Сулайманкулов
Фото: Асел Шайлыбаева