Келишимге кол коюлду: Бишкек-Кара-Балта трассасы 3 жылда оӊдолуп бүтөт

Бишкек-Кара-Балта трассасын жаӊылап куруу иши жакында башталат. Бул тууралуу 30-мартта Транспорт жана жол министрлиги маалымат таратты.

Аталган министрлик менен Кытайдын "China Railway" компаниясынын ортосунда 70 миллион 239 миӊ 899 доллар суммасында келишимге кол коюлду. Маалыматка таянсак, келишим 3 жылга түзүлгөн. Мындан тышкары 365 күн мүчүлүштүктөргө жоопкерчилик мезгили үчүн каралууда. Ошентип долбоорду ишке ашырууга жалпы 4 жыл бөлүндү.

Аталган жолду жаӊылоо боюнча өткөрүлгөн тендерде 2016-жылы чуу чыккан. Ошол кездеги транспорт жана жол министри Замирбек Айдаровго "тендерге кийлигишип, кытайлык компаниянын кызыкчылыгын алдыга сүрөдү" деген дооматтар айтылган. Азия өнүктүрүү банкы Бишкек-Кара-Балта жолун 70 миллион долларга курат деп кытайлык компанияны сунуштаган эле. Бирок тендердик комиссия ишти кытайлык компаниянын жасашына каршы чыккан. Тендер шек жаратканын айткан премьер-министр Сооронбай Жээнбеков: "Эч түшүнбөйм, эмне үчүн 70 миллион долларга куруп берем дегенге макул болбой, 82 миллион доллар дегенге макул болгону жатышат? 82 миллион доллар менен 70 миллион доллардын айырмасы бар да. Мен сөзсүз бул иштин аягына чыгам", - деген эле Жээнбеков.

Эскерте кетсек, Бишкек-Кара-Балта трассасын жаӊылап куруу долбооруна Азия өнүктүрүү банкы тарабынан 100 миллион доллар бөлүнгөн. 65 миллион доллары кредит, 35 миллион доллары грант. Долбоордун алкагында трассаны тийиштүү жабдыктар менен жабдуу, эл жашаган аймактарда трассанын эки тарабына теӊ жаӊы тротуарларды куруу, жол четиндеги арыктарды оӊдоо, жөө адамдар жердин астынан жана үстүнөн өтүүчү тилкелердин эскисин жаӊылоо, жаӊысын куруу иштери да жасалууга тийиш.

Автор: Автандил Добулбеков

09:33 31-03-2017

Жазылуу

РУБРИКАДАГЫ СОҢКУ КАБАРЛАР

19:34 2025-07-04 | Супер-Инфо

Башкы ролу жок, бирок экинчи пландагы актёрлордун жылдызы Ким Вон Хэ 58 0

19:14 2025-07-04 | Түркүн дүйнө

Голливуд актёру Майкл Мэдсен каза болду 291 0

18:53 2025-07-04 | Коом жана турмуш

Маданият министрлиги актёр Бакыт Мукулдун кайрылуусуна жооп берди 501 0

18:05 2025-07-04 | Коом жана турмуш

Азербайжандын ЖОЖдоруна документтерди тапшыруу мөөнөтү узартылды 214 0

17:53 2025-07-04 | Супер-Инфо

Азамат Отунчиев, обончу: “Сахнага 6 жашымда Чубак Сатаев алып чыккан” 156 0

17:03 2025-07-04 | Супер-Инфо

Бакай Шүкүров: “Аттан корккон балдар көбөйдү, кыргыз уулу мындай болбошу керек” 158 0

Архив

Комментарийлер (10)

Akshumkar

2017-03-31 09:57:28

ООххх буттубу тендердик комиссия мен бугун чын эле ушу иштин жыйынтыгын кутуп жургом. Мен бугун ушул иштин урматына сосуз майрамдайм. Ишенбесенер келгиле пиво Живое алып берем. 3л андан ашык эмес 0705 83 82 52

-1

Seryi-Kardinal

2017-03-31 10:20:55

Akshumkar,Адресиңи айт баралы

abusait

2017-03-31 10:38:13

Akshumkar,курулуп буткондо майрамда.. Алдыда эмне бар эмне жок . тендердин айынан урушаары турган кеп.

juma11anara

2017-03-31 13:33:50

Akshumkar, Жума намазга кел майрамдайбыз дебейсинби?

Akshumkar

2017-03-31 10:36:51

Seryi-Kardinal Кызыл Аскер Муса Баетов кочосунун аягы саат кечки 9 да кел пиво алып коем.

Akshumkar

2017-03-31 10:55:02

Бул жол бутот буйруса ошо жакшы бутсун деп майрамдайын деп жатам

Mr.enriiko

2017-03-31 12:20:17

2 жыл эмне деген шумдук тендерди чечеалбай жаттынар.Ал убакта канча машина сынды канча машина аварияболду. Жол таарынан. Кеебиржеринде эки машина батпайт. Яма чоон чоон. Ушунуэрте эле чечсенержакшы болмоок

Luna15

2017-03-31 13:49:15

Ураа менин шаарымдын жолун ондошсо жакшыкен,абдан кубанып атам

Ulan2601

2017-03-31 19:15:08

Жибек жолунун уландысы качан бутот кайсы аралык асфальт болот ушу жонундо да билип бергиле супер.kg

Arlenchik

2017-03-31 21:17:58

Абдан сонун жанылык, ушу жанылыкты кутуп журдум эле качан жолубуз ондолуп баштаар экен деп, болбосо жолдун абалы отоле начар болуп кетти ямалар коп, эми болунгон каражатты жеп ичип ийбей сапаттуу кылып жакшы бутурткуло.

Комментарий калтыруу үчүн өз ысымыңыз менен кириңиз же каттоодон өтүңүз.