Кубанычбек Кулматов: "Кыргыз-Орусия өнүктүрүү фонду бир дагы саясатчыга же саясий партиянын өкүлүнө кредит берген эмес"

Кыргыз-Орусия өнүктүрүү фонду чакан насыялык компаниялар менен иштешип баштайт. Бул тууралуу бүгүн, 3-майда парламентте аталган фонддун төрагасы Кубанычбек Кулматов билдирди.

Жогорку Кеңеште фондго айыл чарба багытындагы жерлерди күрөөгө алуу боюнча уруксат берүү сунушталып жатат. Кулматовдун айтымында, бул сунуш аймактагы дыйкандарга колдоо көрсөтүү үчүн натыйжалуу болот.

“Биз азыр аймактарда иш алып барып жатабыз. Мисалы, жерди күрөөгө алууга мүмкүнчүлүк болсо, бактарды өнүктүрүү үчүн насыя берсек болот. Дыйкандарга жеңил болот. Мындан тышкары кичи насыя компаниялары менен иштешкени жатабыз. Насыя алуунун эрежелери коммерциялык банктардай эле болот. Дыйкандар фонддон насыя ала турган болсо 4 пайыз, коммерциялык банктан алса 5 пайыз менен алат”, - деди ал.

Депутат Эльвира Сурабалдиева чиновниктерге кредиттер берилип, таанышы жок ишкерлер насыя алууда кыйынчылыктарга дуушар болуп жатканын айтып: "Белгилүү адамдарга кредит берерде фонддун репутациясын ойлоп коюңуздар", - деди.

Кубанычбек Кулматов: "Кыргыз-Орусия өнүктүрүү фонду бир дагы саясатчыга же саясий партиянын өкүлүнө кредит берген эмес", - деп билдирди.

Учурда "Кыргыз Республикасынын айрым мыйзам актыларына өзгөртүүлөрдү киргизүү жөнүндө” мыйзам долбоору каралып жатат.

Автор: Жылдыз Джускембаева
Фото: Интернеттен алынган

13:41 03-05-2017

Жазылуу

РУБРИКАДАГЫ СОҢКУ КАБАРЛАР

21:06 2025-06-26 | Түркүн дүйнө

Эл аралык космостук станцияга биринчи жолу Индия, Венгрия жана Польшанын астронавттары барышты 166 0

20:32 2025-06-26 | Түркүн дүйнө

60 күн керебетте жатышат. NASA салмаксыздыкты изилдөө үчүн ыктыярчыларды издөөдө 409 0

19:52 2025-06-26 | Саясат

Президент мектептерде мобилдүү түзүлүштөрдү пайдаланууну жөнгө салуу боюнча мыйзамга кол койду 345 0

19:21 2025-06-26 | Коом жана турмуш

"Мадина" базарындагы бир нече коомдук тамактануучу жай жабылды 561 0

18:58 2025-06-26 | Саясат

Мамлекеттик катчы БУУӨПтүн Кыргызстандагы туруктуу өкүлү менен жолугушту 222 0

18:27 2025-06-26 | Түркүн дүйнө

Франциядагы бороон: Эки адам каза болуп, 100 миңден ашуун имарат жарыксыз калды (видео) 820 0

Архив

Комментарийлер (3)

KGstan1981

2017-05-03 14:07:44

Альбетте бербейсинер.Силер ошол саясатчыларды маскировка этип бир туугандарына жана куудаларына бересинер.Мына далиль катары Бабановтун бир тууганына бердинер.Бирок карапайым элге силер бербейсинер.

spinkub

2017-05-03 14:37:47

Бул киши ооруйбу ыя? Кичинесинде коп жыгылган окшойт. Аз маз окшоштуруп алдаса болмок.

altyn7776

2017-05-03 14:59:53

Элибиз 15000 сом айлыка жашап жатса, бул Чыткурсак Бишкек шаарын гулдотуп койгонсуп 15000 доллар айлыка жашап жатыры. Мына Атамбаевдин ишенген кадрларынын бири! Бишкекти таштанды шаары деген атка кондурган мына ушул чиновник!

Комментарий калтыруу үчүн өз ысымыңыз менен кириңиз же каттоодон өтүңүз.