5-майда Чолпон-Ата шаарында жана Бостери айылында "Таза Ысык-Көл" акциясынын алкагында ыктыярчылар ишембилик өткөрүшөт

Эртең, 5-майда Чолпон-Ата шаарында жана Бостери айылында "Таза Ысык-Көл" акциясынын алкагында ыктыярчылар ишембилик өткөрүшөт. Бул тууралуу уюштуруучулар кабарлашты.

"Биздин Ысык-Көлүбүздүн жаратылышын, тазалыгын камсыздоо, ага кам көрүү чоң мааниге ээ. Өткөн жылы "Таза Ысык-Көл" кыймылы негизделип, Балыкчыдагы унаа жолдун айланасы 100 ыктыярчы тарабынан таштандыдан тазаланган. Жалпысынан 5 тонна таштанды чогулуп, пластик, темир, айнек, органикалык таштандыларга бөлүнгөн. Акциянын катышуучулары эс алуучулардын көпчүлүгү шалаакы мамиле кылышарына күбө болушкан", - дешет уюштуруучулар.

Учурда көлдүн аймагында катуу тиричилик калдыктарын кабыл алуу пункттары ачылганы маалым болду. Ар бир каалоочу калдыктарды өткөрүп, ал үчүн акы алат.

Автор: Үмүт Абдраимова