Талантбек Батыралиев: "Ноокендеги окуучулар коргонуу үчүн колдонуучу газга ууланган болушу мүмкүн"

"Ноокендеги окуучулар коргонуу үчүн колдонуучу газга ууланган болушу мүмкүн", - деп бүгүн, 19-майда SUPER.KG порталына саламаттыкты сактоо министри Талантбек Батыралиев билдирди.

Ал билдиргендей, окуучулар тамак-аштан, суудан ууланбаганы аныкталды. "Балдардын айтуусу боюнча, ошол күнү саат 13:00-14:00 чамасында бир жыт чыккан экен. Бул коргонуу үчүн колдонуучу газдын жыты болушу ыктымал. Газ баллондон ууланган кандан чыкпайт экен. Окуучулар Балыкчыдагы окуядай болуп, газ баллон менен ойноп жатып ууланып калышы мүмкүн. Бирок өздөрү бул тууралуу айтышкан жок.

32 баланын тең симптому бирдей болуп жатат. Алардын көзү жашылданып, аба жетпегендей болуп, жүрөктөрү айланыптыр. Ал эми тамак-аштан же суудан ууланган болсо ичтери өтүп, иче карындары ооруп, кусушмак”, - деди ал.

Кечээ, 18-майда “Кыргызстан” фракциясынын депутаты Айтмамат Назаров Ноокенде ууланган балдар кайрадан ооруканага түшүп жатат деп айткан. Бул боюнча министр өзү Ноокен районунун Тоскоол айылына барып келгенин айтты: “Эки ууланган окуучу күн ысыкта ооруканадан үйүнө чыгарылгандан кийин ата-энеси балдарынын жүрөктөрү айланганын айтып, дарыгерлерге чалыптыр. Анда дарыгерлер кайрадан ооруканага алып кел дешип, текшерген экен. Азыркы учурда ооруканада төрт окуучу жатат”, - деди ал.

Мындан тышкары Батыралиев коомчулуктун саламаттыкты сактоо министри бул окуя боюнча бир нерсени жашырып жатат деген маалыматын төгүндөдү. “Министрлик коомдон эч кандай жашыра турган нерсеси жок. Жашыра турган себеп дагы жок. Бул окуяны саясатташтырбаш керек”, - деп билдирди.

Автор: Жылдыз Джускембаева
Фото: Интернеттен алынган

16:53 19-05-2017

Жазылуу

РУБРИКАДАГЫ СОҢКУ КАБАРЛАР

23:41 2025-06-26 | Саясат

“Ыкчам-иликтөө ишмердиги жөнүндө” мыйзамга кол коюлду 94 0

23:28 2025-06-26 | Түркүн дүйнө

Куба президенти ЕАЭБ өлкөлөрүнүн товарлары үчүн аралда логистикалык борбор түзүүнү сунуштады 139 0

23:19 2025-06-26 | Саясат

Жапаров IV Евразия экономикалык форумунун пленардык сессиясында сөз сүйлөдү 142 0

22:26 2025-06-26 | Коом жана турмуш

27-июнга карата аба ырайы 266 0

22:11 2025-06-26 | Коом жана турмуш

Блог: Мен көргөн Анталья: күн, деңиз, тарых жана сезимдер 1773 0

21:36 2025-06-26 | Түркүн дүйнө

Түндүк Корея “дүйнөлүк деңгээлдеги” курорттун курулушун аяктады 1030 0

Архив

Комментарийлер (5)

Shef87

2017-05-19 17:37:39

Болушу мумкун дейт го бул

Krai

2017-05-19 17:47:24

Бул озу врачпы же мал доктурбу

betatek-2011

2017-05-19 18:02:30

Ким чачат???Окуучулардан болсо дароо эле билинмек,териштиргиле конул кош иштебей!Биркунмурун даватчилар жатыпкеткендеп атышпайбы аларды да текшеришкерекго...

Aldyiar

2017-05-20 03:35:32

хаххааха тамаша ал айтып койгондур кулбогуло ааа туугандар биздин кыргыздын дегендей соз бар сак бол озуно. сак болбосон озуно сени жеп койот дейт окмок акмакда булда кок-мээ. Бул кок-мээлер колунан келбей казынадан акчаны нары бери чачып журушот пидааааррраааз адамдар.

-1

age88

2017-05-21 03:07:35

Aldyiar,бир созуно маанип берип окуусамда тушунбодум. Ойуна эмне келсе жазып койгон окшойсун

Комментарий калтыруу үчүн өз ысымыңыз менен кириңиз же каттоодон өтүңүз.