Президенттин аброюна шек келтирди деп айыпталган "Заноза" сайтынын журналистинин соту өтүүдө

Судья Гүлчехра Оморова

"Заноза" сайтынын журналисти Нарын Айып (оң жакта)

Бүгүн, 29-июнда Бишкектин Октябрь райондук сотунда "Заноза" сайтынын журналисти Нарынбек Идиновдун (Нарын Айып) үстүнөн президент Алмазбек Атамбаевдин аброюна шек келтирди деген Башкы прокуратуранын доо арызы каралууда. Башкы прокуратура бул арыздын негизинде "Заноза" сайтын негиздеген "Промедиа" фондунан 3 миллион сом, журналист Нарын Айыптан 3 миллион сом талап кылууда.

Саат 09:30га белгиленген отурумда мамлекеттик айыптоочу ишке тиешелүү кошумча документтерди алып келгендигин судьяга билдирди. Идиновдун жактоочулары кошумча документтер менен таанышууга убакыт сурап, судья бир саат тыныгуу жарыялады.

"Заноза" сайтынын журналисти Идинов: "Бүгүнкү сотто менин 2015-жылы 22-октябрдагы макаламда "Атамбаев театрларга, кырсыктан каза болгон үй-бүлөлөргө акчалай жардамдарды берип жатат. Тээ бир кездери Чыңгыз Айтматов "мен Москвадан 50 миллион рубль алып келсем кийин дайыны чыкпай калды", - деп айтып жүрчү. Президент берип жаткан акча, балким, ошол жактандыр", - деп жазгандыгым боюнча Башкы прокуратура сотко доо арыз берген. Бүгүн ошол макала каралууда. Мындан башка да Өмүрбек Текебаевдин камалышына байланыштуу жазылган макалаларым боюнча да бар. Менин үстүмөн азыр жарыяланган 5 макалам боюнча президент Алмазбек Атамбаевдин кадыр-баркына доо кетирди деп прокуратура сотко берген", - деди Идинов.

Эске салсак, Башкы прокуратура Жогорку Кеңештин экс-депутаты Чолпон Жакупованын сөз эркиндиги боюнча жыйында сүйлөгөн сөзү үчүн жана "Заноза" сайтында жазылган материал боюнча президенттин кадыр-баркына шек келтирди деп сотко кайрылган. Кийин Октябрь райондук соту Чолпон Жакупованын мүлктөрүн камакка алуу чечимин чыгаруу менен бирге Жакупова, Дина Маслова жана Нарын Айыпка өлкөдөн сыртка чыгууга тыюу салган.

Занозадагы" макала боюнча сот

Автор: Илязбек Балташев
Фото: Илязбек Балташев

10:57 29-06-2017

Жазылуу

РУБРИКАДАГЫ СОҢКУ КАБАРЛАР

13:41 2025-06-20 | Түркүн дүйнө

ChatGPT аркылуу дипломдук ишин бүтүрүп мактанган студент талкууда 182 0

13:17 2025-06-20 | Коом жана турмуш

Агартуу жана Билим берүү министри Петербург эл аралык экономикалык форумуна катышты 100 0

13:11 2025-06-20 | Супер-Инфо

Тамада бычакталып каза тапты. Чырга эмне себеп болгон? 369 0

12:38 2025-06-20 | Коом жана турмуш

Замандын талабындагы китептер: Кызыгуу, тандоо жана тренд 1938 0

12:08 2025-06-20 | Түркүн дүйнө

Адам курмандыгы бар... Казакстандын Павлодар облусунда катуу бороон болду (видео) 813 0

11:51 2025-06-20 | Коом жана турмуш

"Ак-Жол унаа жолу" фитосанитардык көзөмөл пунктунун иши кайра жанданды 231 0

Архив

Комментарийлер (4)

-Dybala-

2017-06-29 11:47:43

Билсин да кимге суйлоп жатканын.

Биролордун тагдырын коруп жатып ушунча суйлойт.

Asyl10

2017-06-29 11:57:28

Журналды, интернет баракчаны окугандар кобойсун же ТВнын коруучулру арбысын деп айрым журналисттер чегинен ашып "ордокторду" учуруп, тушуно кирген божомолдорду жазып журналисттик этиканы сактабай жатышат. Президент болобу жонокой адам болобу далилсиз анын абройуна шек келтирууго эч кимдин акысы жок. Азыр копчулук журналисттер ушундай болсо керек деп эле ушакчы немелердей божомолоп жаза айта беришет. Адамдын укугун тебелоо,абройун тушуруу адатка эле айланып калгандай.

-3

Bars88

2017-06-29 12:00:31

Журналистердин аброюна шек келтирди деп ХХХ тенегендерди дагы сотко бериш керек да.Ар бир журналистке 3 миллиондон ондуруп берсе кана сот

Patriot7

2017-06-29 12:44:23

Прокуратура менен сот Мусабекованы абакка кесип, андан миллиондорду ондуруп бергенде гана калганын карап корсо болот. Болбосо мыйзам, сот, прокуратура Атамбаевди коргоо учун гана иштеп жатат. Аларга акчаны биз толойбуз салыктын эсебинен!!! Атамбаевине кошуп ошол сот, прокурор ж.б.баарын камап, жегендерин кустуруп турмодо чиритээр кун келсе кана эле..

Комментарий калтыруу үчүн өз ысымыңыз менен кириңиз же каттоодон өтүңүз.