Сузакта чогулуп турган мектеп окуучуларын айдоочу унаасы менен сүзүп качып кетти. Окуучулардын бири ошол жерден каза болду

Жалал-Абад облусунун Сузак районунда чогулуп турган мектеп окуучуларын айдоочу унаасы менен сүзүп кетти. Бүгүн, 4-декабрда SUPER.KG'ге Жалал-Абад ОИИБинин басма сөз кызматынан кабарлашкандай, жол кырсыгынан бир бала каза болуп, бири ооруканага жеткирилген. Ал эми окуя болгон жерден изин жашырып кеткен айдоочу изделүүдө. Кырсык кечээ, 3-декабрь күнү саат 21:30 чамаларында Жалал-Абад-Казарман жолунун 35-чакырымындагы Кара-Чолок айылында болгон.

"Айылдагы №54-Ысмаил атындагы орто мектебинин 9-классынын окуучулары (5 бала) мончого баруу үчүн чогулуп жолдун четинде турушкан экен. Нива үлгүсүндөгү унаанын айдоочусу Казарманды көздөй бара жатып аларды сүзүп кеткен. Окуя болгон жерден айдоочу изин жашырып качып кеткен. Натыйжада 2003-жылы туулган М.Б. аттуу окуучу окуя болгон жерден каза болгон. 2002-жылы туулган Б. уулу А. денесинин ар кайсы жеринен жаракат алып жана оң буту сынып Октябрь аймактык ооруканасынын хирургия бөлүмүнө жаткырылган. Ал эми калган 3 бала унаадан качып аман калышкан", - дешти облустук милициядан.

Ыкчам-тергөө топторунун аракетинин натыйжасында кылмышка шектүү аныкталып, ал Сузак районунун Таран-Базар айылынын тургуну болуп чыкты. Ал кырсык болгон жерден изин жашырып кеткенден кийин унаасын өзү жашаган үйгө токтотуп, өзү качып кеткен. Унаа боюнча тергөөчү акт түзүп, унаа айып аянтчасына токтотулду. Ал эми кылмышка шектүүнү кармоо иш-чаралары жүргүзүлүүдө.

Автор: Жамалидин Парманкулов

14:47 04-12-2017

Жазылуу

РУБРИКАДАГЫ СОҢКУ КАБАРЛАР

13:41 2025-06-20 | Түркүн дүйнө

ChatGPT аркылуу дипломдук ишин бүтүрүп мактанган студент талкууда 182 0

13:17 2025-06-20 | Коом жана турмуш

Агартуу жана Билим берүү министри Петербург эл аралык экономикалык форумуна катышты 100 0

13:11 2025-06-20 | Супер-Инфо

Тамада бычакталып каза тапты. Чырга эмне себеп болгон? 369 0

12:38 2025-06-20 | Коом жана турмуш

Замандын талабындагы китептер: Кызыгуу, тандоо жана тренд 1938 0

12:08 2025-06-20 | Түркүн дүйнө

Адам курмандыгы бар... Казакстандын Павлодар облусунда катуу бороон болду (видео) 813 0

11:51 2025-06-20 | Коом жана турмуш

"Ак-Жол унаа жолу" фитосанитардык көзөмөл пунктунун иши кайра жанданды 231 0

Архив

Комментарийлер (8)

raxatka

2017-12-04 14:53:52

Акмак

islamik

2017-12-04 15:02:44

Тимэле колго тушпочудой болот, кайра жаш балдарга жардам берип ооруканага жеткирипкойсо болот эле

Baiaman07

2017-12-04 15:03:38

Вай акмаак ит экенсиңго ушундай да кылабы балдарда эмне күнөө

sainazarov0555

2017-12-04 15:13:01

Эртеби кечпи кармаласын

nurhan2702

2017-12-04 15:22:08

Жаман болуптур кайран оспурум каза болуптур. Жакындарына конул айтабыз

Malik92

2017-12-04 16:06:19

Бизге кошуна айылго байкуш балага жаман болуптур жаткан жери жайлуу болсун. Бирок балдар да чет жакта турушса болот элего көчөгө чыгып кетишпей. Азыр жөө жүргүнчүлөрдөн корко турган заман унаадан качайын дешпейт жолду чоң атасы салып бергенсип.

jergetal

2017-12-04 18:51:45

Malik92,кайсыл айылдан болосуз

zoiy_asad2014

2017-12-04 16:15:34

Дагы бир баланын ичегиси үзүлүп кеткен

Комментарий калтыруу үчүн өз ысымыңыз менен кириңиз же каттоодон өтүңүз.