Орто-Токой суу сактагычын башкарууну кыргыз тарапка өткөрүү сунушун Жогорку Кеңеш экинчи окууда колдоду

Жогорку Кеӊеште Ала-Бука районундагы Орто-Токой (Касансай) суу сактагычын мамлекеттер аралык пайдалануу жөнүндө макулдашуу экинчи окууда жактырылды.

Келишимге ылайык, Орто-Токой суу сактагычын Өзбекстан менен бирге пайдалануу чаралары каралууда. Анда суу сактагычты кайтаруу, иштетүү, башкаруу укугу толугу менен кыргыз тарапка өтөт. Ал эми Өзбекстан суу сактагычты иштетүүгө кеткен чыгымды көтөрүү милдетин алат. Келишим мөөнөтсүз мезгилге түзүлүүдө.

Белгилей кетсек, буга чейин суу сактагыч Өзбекстандын пайдалануусунда болуп, ага ээлик кылуунун шарттары чечилбей келген. Буга чейин аны өзбек сакчылары кайтарып турган. Орто-Токой суу сактагычы чек арадан 13 чакырым ичкери жайгашкан. Анын жалпы аянты 850 гектарды түзөт. Сыйымдуулугу – 165 миллион куб метр. Топтолгон суунун 92 пайызын Өзбекстан, ал эми 8 пайызын Кыргыз өлкөсү пайдаланат.

Келишим ратификациялангандан кийин өзбек тарап суу сактагычта иштеген кызматкерлерге маяна катары жана электр чыгымдары үчүн 16-20 миллион сом өлчөмүндө каражат же жалпы чыгымдын 92 пайызын бөлөт. Кыргыз тарап үчүн жаӊы 60 жумушчу орун ачылмакчы.

Бул макулдашууга Жогорку Кеңештеги 101 депутаттан 100 депутат "макул", 1 депутат "каршы" деп добуш берди.

Автор: Мунарбек Жоргомов

19:01 21-12-2017

Жазылуу

РУБРИКАДАГЫ СОҢКУ КАБАРЛАР

23:46 2025-06-30 | Коом жана турмуш

"1000ге жеткиришибиз керек". Ташиев чаткалдыктарга өзгөчө тапшырма койду (видео) 637 0

23:18 2025-06-30 | Түркүн дүйнө

НАТОнун саммити 2026-жылы Анкарада өтөт 224 0

23:06 2025-06-30 | Түркүн дүйнө

Иран Украинанын Тегерандагы өкүлүнө нааразылык нотасын тапшырды 688 0

22:45 2025-06-30 | Кылмыштар, кырсыктар

УКМК Бишкек менен Чүйдө жер тилкелери мамлекетке алынганын билдирди 359 0

22:31 2025-06-30 | Түркүн дүйнө

Сирия жакынкы ааралыкта Израил менен тынчтык түзүшү мүмкүн 402 0

22:02 2025-06-30 | Түркүн дүйнө

Трамп Сирияга каршы санкцияларды жеңилдеткен буйрукка кол коёт 382 0

Архив

Комментарийлер (8)

Eksvp_1

2017-12-21 19:27:38

Каршы чыккан ким экен?

Bolunbo.kyrgyz

2017-12-21 19:41:30

Бир тамчы сууну бекер бербеш керек оз элибизге жетип бут Кыргызстан суу менен камсыз кылып анан ашканын сатыш керек булар же газды казактар бензинди бекер берип жатабы 8 пайызын озу алып 92 пайыз газын бизге откозуп берип койдубу. Бензин газсыз кун ото берет а бирок суусуз адам жашай албайт кеч боло электе озубузго толук откоргуло иштей албасанар кеткиле тырмышпай

nurbek56

2017-12-21 20:31:20

дагы белгисиз моонотко дегенине не дейсинер манкурттар тарс тарс айтып мындай андай дейтурган бир адам жок Соке да ондурбайт Кыргызстанды

Komrad

2017-12-21 21:57:03

Отклрууну эмнеге колдоп добушка коюш керек. Келишимдер боюнча ишти кылса болбойбу,

-1

AzKumFerDan

2017-12-21 21:58:48

Толкнул менее Кыргыз тарапка отсун ушунча жылдан бери канча милярд падаланышты Эми кайтарып алуу кк

-1

almanbetperm

2017-12-21 21:59:17

Озгон районундагы КемпирАбад да (андижан суу сактагычы) туугандарга карайт. Ага кызыккан адам жок

almanbetperm

2017-12-21 22:01:10

Соке брат бапылдап койгон эле шайлоо алдында,мен президент эле болуп калсам чыкпаган жерге да суу чыгартып берем деген эле,коро жатарбыз

Dastanke2014

2017-12-22 09:11:26

Алсыздыгын билдирди КР, Ыссык-Колдогу пансионаттар да туугандарга отту. Сат, сат, сат,сат,баарын сат.

Комментарий калтыруу үчүн өз ысымыңыз менен кириңиз же каттоодон өтүңүз.