Сапар Исаков ЕАЭБдин Бажы кодекси тууралуу мыйзамында ката кеткени үчүн Кубанычбек Кулматовго, Артём Новиковго сөгүш жарыялады

"Москва шаарында 2017-жылдын 11-апрелинде кол коюлган Евразия экономикалык биримдигинин Бажы кодекси жөнүндө келишимди ратификациялоо тууралуу" мыйзам долбоорун даярдоодо тапшырылган милдеттерин талаптагыдай аткарбагандыгы үчүн бир катар кызмат адамдарына сөгүш жана катуу сөгүш жарыяланды.

Тийиштүү буйрукка премьер-министр Сапар Исаков кол койгонун өкмөттүн басма сөз кызматы билдирди.

Буйрукка ылайык, сөгүш экономика министри Артём Новиковго, Мамлекеттик бажы кызматынын төрагасы Кубанычбек Кулматовго жарыяланган.

Ал эми экономика министринин орун басары Баккелди Тюменбаевге, Мамлекеттик бажы кызматынын төрагасынын орун басары Замирбек Ниязалиевге катуу сөгүш жарыяланды.

Мындан тышкары, өкмөттүн аппаратынын бир катар кызматкерлери милдеттерин тийиштүү түрдө аткарбагандыгы үчүн кызматтан бошотулду. Алардын бири Санжар Үмөталиев өкмөттүн аппарат жетекчисинин орун басары, Кыргыз Республикасынын Евразия экономикалык бирлигиндеги өкүлү, өкмөттүн аппаратынын Евразия экономикалык бирлигинин иштери боюнча бөлүмүнүн башчысы катары ээлеген кызматынан берген арызына ылайык бошотулду.

Автор: Нургазы Аматов

11:47 08-01-2018

Жазылуу

РУБРИКАДАГЫ СОҢКУ КАБАРЛАР

13:38 2025-06-30 | Саясат

Садыр Жапаров ЖККУга мүчө-мамлекеттердин тышкы иштер министрлерин кабыл алды 121 0

12:55 2025-06-30 | Коом жана турмуш

Ат-Башыда "Кыргыз даамы", "Кыргыз шырдагы" фестивалдары өттү 174 0

12:26 2025-06-30 | Кылмыштар, кырсыктар

Айдоочу, абайла! Бишкекте жол кырсыгынан айдоочу каза болуп, жанындагы кыз оор жаракат алды 919 0

11:56 2025-06-30 | Кылмыштар, кырсыктар

Бишкектин вице-мэри Таалайбек Байгазиев опузалап алган акчасын кайтаруу учурунда кармалды 1163 0

11:24 2025-06-30 | Түркүн дүйнө

Францияда 1-июлдан тарта коомдук жайларда тамеки чегүүгө чектөө кирет 230 0

11:22 2025-06-30 | Түркүн дүйнө

Измирдеги Аднан Мендерес аэропорту кайрадан учууларга ачылды 320 0

Архив

Комментарийлер (6)

bosmos77777

2018-01-08 11:51:53

Кулматовду такыр ! Кыргыздын бийлигине жолотпош керек. Сапар Исаков Кыргыздын келечектеги кучтуу ,корогоч. Жол башчысы катары кором. Бул инсан менен иштешууго даярбыз. Бул кишинин тегереги жаман.

+11

admin_superstan

2018-01-08 13:00:02

taku1414, бирөөнүн дарегине карата далилсиз маалыматтарды камтыган билдирүү жазууга тыюу салынат.

-4

keba300989

2018-01-08 13:23:35

Сапар Исаковду колдойм эч ойлонбой туура чечимге келсе тез чыгарат Кубанычбек Кулматовду сөгүш бербей эле айдаса жакшы болмок.

Krai

2018-01-08 14:13:30

Азамат Сапар Исаков жакшы иштеп жатат коз тийбесин

Bolunbo.kyrgyz

2018-01-08 14:21:35

Кулмат озу бир ишке жарачы беле жон эле таарыхты изилдебейби таарыхчы болгон сон бажыда балее барбы

Azatbek83

2018-01-08 15:12:35

Аша озу башкарып буйрук берип жатат !!!!

-2

Комментарий калтыруу үчүн өз ысымыңыз менен кириңиз же каттоодон өтүңүз.