Ноокатта иш бөлмөсүндө мас абалында уктап калган жетекчи кызматынан алынды

Улуттук статистика комитетинин Ноокат райондук бөлүмүнүн башчысы иш бөлмөсүндө мас абалында уктап жаткан жеринен тартылып алынган видео боюнча кызматынан кетти. Бул тууралуу бүгүн, 10-январда Улуттук статистика комитетинин басма сөз кызматынан билдиришти.

Маалыматка ылайык, аталган комитеттин Ноокат райондук бөлүмүнүн башчысы Расулбек Ташовдун иш бөлмөсүндө уктап жаткан видео боюнча кызматтык иликтөө жыйынтыкталды. Натыйжада аталган окуяны изилдеген комиссиянын чечимине ылайык, Расулбек Ташов эмгек тартибин бузгандыгы жана жумуш ордуна мас абалында келгендиги үчүн ээлеген кызматынан бошотулду.

Ошондой эле анын орун басары Шайырбек Арапов дагы өзүнүн милдеттерин толук аткарбагандыгы үчүн кызматынан четтетилди.

Айта кетсек, буга чейин SUPER.KG порталынын "Элдик видео" бөлүмүнө "Ноокатта иш бөлмөсүндө уктаган жетекчилер" деген видео жүктөлгөн болчу. Айрым интернет колдонуучулар алардын бири Ноокат райондук мамлекеттик статистика бөлүмүнүн жетекчиси болсо, экинчиси Ноокат РИИБинин жетекчиси деген билдирүүлөрдү жазышкан. Бирок Ош ОИИБи мас болуп уктап жаткандар милиция кызматкерлери эместигин айтты. Ал эми Улуттук статистика комитети бул окуя боюнча иликтөө иштери жүрүп жатканын кабарлаган болчу.

Ноокатта кабинетинде уктаган жетекчилер

Автор: Кенжебай Сатканалиев

11:23 10-01-2018

Жазылуу

РУБРИКАДАГЫ СОҢКУ КАБАРЛАР

23:46 2025-06-30 | Коом жана турмуш

"1000ге жеткиришибиз керек". Ташиев Чаткалдыктарга өзгөчө тапшырма койду (видео) 193 0

23:18 2025-06-30 | Түркүн дүйнө

НАТОнун саммити 2026-жылы Анкарада өтөт 130 0

23:06 2025-06-30 | Түркүн дүйнө

Иран Украинанын Тегерандагы өкүлүнө нааразылык нотасын тапшырды 367 0

22:45 2025-06-30 | Кылмыштар, кырсыктар

УКМК Бишкек менен Чүйдө жер тилкелери мамлекетке алынганын билдирди 272 0

22:31 2025-06-30 | Түркүн дүйнө

Сирия жакынкы ааралыкта Израил менен тынчтык түзүшү мүмкүн 291 0

22:02 2025-06-30 | Түркүн дүйнө

Трамп Сирияга каршы санкцияларды жеңилдеткен буйрукка кол коёт 298 0

Архив

Комментарийлер (10)

Kattaldym

2018-01-10 12:32:49

Экинчиси эмне болду? Анын крышасы кучтуу бекен?

kechirmeni

2018-01-10 14:51:17

Kattaldym,экинчиси да четтетилди деп турат го

Reakciya

2018-01-10 12:45:30

Шайырбек Арапов, бул жанагы КТРК дан чыгып жургон теле алыпаруучу бала эмес беле?.

Ermekbai

2018-01-10 13:18:29

Арактын кесири.

futboler

2018-01-10 14:06:46

Урматтуу редакция, Шайырбек Арапов деген КТРде иштеген журналист бала эмеспи, тактап бергилечи

Asyl10

2018-01-10 17:54:26

ИИИ уят эле болушуптур да, эшигин ичинен култап алышпаптыр да уйкулары келсе. Тойго же башка жакка туну менен конокто болушуп анан баштары ооруп, баш жазып анан уктап калышса керек да. Каап уят болушту эл-журтка. Ким тарта койду экен? Аыркы заманда колоконо деле ишенич жок, тартып интернет деген балээге жайып шермендени чыгарат, ар бир кадамды абайлап баспаса

temirov76

2018-01-10 20:42:44

Кызматтан эле кеттиби,Корея болгондо бул жарык дүйнөдөн да кетип калмак.

tynchtyk93

2018-01-10 21:19:07

Мындай жумушунан ичкендер толтурада

Taalaibek.

2018-01-11 00:55:05

Башын которуп тарпайбы, экинчиси ким экени билинбептир.

eddi.kg

2018-01-12 09:09:00

Шайырбек Арапов деген клиптерге тартылып жургон жигит эмеспи?

Комментарий калтыруу үчүн өз ысымыңыз менен кириңиз же каттоодон өтүңүз.