Президент УКМКнын төрагасына Коррупцияга каршы күрөшүү кызматындагы ар бир кызматкердин ээлеген ордуна дал келерин карап чыгууну тапшырды

Бүгүн, 13-февралда президент Сооронбай Жээнбеков Улуттук коопсуздук мамлекеттик комитетинин төрагасы Абдил Сегизбаевди кабыл алды. Бул тууралуу президенттик аппараттын басма сөз кызматы билдирди.

Маалыматка ылайык, жолугушууда 8-февралда Коопсуздук кеңештин чечимдерин тездетип ишке ашыруу милдеттери талкууланды. УКМКнын төрагасы президентке коррупция менен күрөшүү боюнча көрүлүп жаткан чаралар жана ошондой эле натыйжалуулугун жогорулатуу максатында УКМКнын коррупцияга каршы кызматынын ишмердигин жакшыртуу боюнча аткарылып жаткан иштер жөнүндө маалымат берди.

Сооронбай Жээнбеков кыска мөөнөттө Коррупция каршы кызматтын ишмердигинин форматын мекемеге жүктөлгөн милдеттерди толук аткарып жатабы жана ар бир кызматкери иштеген кызматына ылайык келеби кайрадан карап чыгуу милдетин койду.

"Бардык кызматкерлер коррупция менен күрөшүүдө кызматтык милдетин жана ролун так түшүнүшү керек. Жөн гана жооп жазуу менен алектенип, көнүмүш адатка салганга болбойт" деп белгиледи президент.

"Сиздер алдыңыздарга максималдуу бийик милдет коюп, максатка жетишип, улуттук коопсуздукка коркунуч келтирген коррупциялык кылмыштар менен күрөшүшүңөр керек. УКМКнын алдында олуттуу маселе турат. Укук коргоо, сот органдарындагы жана башка мамлекеттик түзүмдөрдөгү коррупция менен күрөш жүргүзүү. Жыйынтык керек", - деди Жээнбеков.

17:09 13-02-2018

Автор: Жылдыз Джускембаева
Фото: Султан Досалиев

Жазылуу

РУБРИКАДАГЫ СОҢКУ КАБАРЛАР

20:10 2024-05-12 | Кылмыштар, кырсыктар

Ошто кызганычтан улам кыздын сабалышы: Окуянын видеосу тарады 2390 0

19:53 2024-05-12 | Маданият, шоу-бизнес

Бишкекте коңур үндүү Өзгөрүш Абакировдун поэзия кечеси өтүп жатат (видео) 433 0

18:31 2024-05-12 | Кылмыштар, кырсыктар

Ошто кызганычтан улам кыз сабалды. Милиция 23 жаштагы жигитти кармады 3272 0

18:19 2024-05-12 | Түркүн дүйнө

Эрдоган АКШга пландалган сапарын жокко чыгарып, себебин түшүндүрдү 1810 0

16:51 2024-05-12 | Кылмыштар, кырсыктар

Нарында апасы менен дарыянын жээгинде жүргөн 4 жашар кыз дайынсыз жоголду 5199 0

16:06 2024-05-12 | Түркүн дүйнө

Ооганстанда селден 300дөн ашуун адам каза болду 1689 0

Архив

Комментарийлер (5)

fora

2018-02-13 17:32:04

Андан жыйынтык чыкбайтго маилердин реформасындай эле иш болуп жаткандай маилердин кийген формасын акча коротуп жанылап салды эч нерсе озгоргон жок

Bazake

2018-02-13 20:16:27

fora,Маселени тушунбосон пикир жазбай эле койсон болмок. Бул жерде реформа деген кооз соз айтылган жок. Жон гана коррупция менен чечкиндуу курошуу маселеси кабыргасынан коюлуп жатат.

muslim87

2018-02-13 19:14:59

Карышкырга кой кайтарткандай эле болуп жатат бул жагы. Жээнбеков коррупцияны жоюп коопсуздукту орнотом десе биринчи Сегизбаевди иштен алыш керек.

Krai

2018-02-13 22:25:09

muslim87, Сегизбаевдин да убактысы аз калгандай Сооронбай Шарипович Сегизбаевдин артынан тушту окшойт

Bazake

2018-02-13 20:18:01

Эн башкысы президенттин чечкиндуу аракети, талабы бар. Сырттан карап эле сындай бербей келгиле коррупция менен чогуу курошолу. Бул Жээнбековдун эле эмес, жалпы улуттун проблемасы.Жок дегенде озубуз пара бергенди токтотолу.

Комментарий калтыруу үчүн өз ысымыңыз менен кириңиз же каттоодон өтүңүз.