Шыкмаматов: "Адилетсиздиктен жүрөгүм ооруп, күн сайын бир уучтан дары ичип жатам"

Жогорку Кеңештеги "Ата Мекен" фракциясынын лидери Алмамбет Шыкмаматовдун соту анын өтүнүчү менен 22-мартка жылдырылды.

Мунун себебин депутат мындайча түшүндүрдү.

"Биринчи соттук инстанция мени жогору жактын буйругу менен бир дагы далили жок соттоп жиберди. Укуктук, өнүккөн мамлекет болобуз десек биринчи кезекте адамды күнөөлүү экенин кынтыксыз далилдер менен далилдеш керек да. Эгер биз келтирген жүйөлүү далилдерге көңүл бурбай, тергөөчүнүн ойлоп тапкан божомолуна таянып соттоп жиберсеңер, анда 1938-жылы Ежов түзгөн "тройкадан" айырмаңар эмнеде? Силерге "эки жерде эки төрт" дегенди бир жылдан бери далилдей албай келе жатам. Ал автоунааны алты кишиден турган тендердик комиссия алган, менин тиешем жок. Аялым унаасын фирмага сатканга мыйзамдуу укугу бар, аны ал укуктан эч ким ажырата албайт. Мамлекетке бир тыйын чыгым келген эмес. Мунун баары соттук териштирүүдө далилденди. Менин жүрөк оорум эки айдын ичинде эки жолу кармады. Жүрөгүм коркконумдан ооруганы жок, адилетсиздиктен сыздап жатат. Күнүнө бир ууч дары ичип жатам. Мындайды душманыма да каалабайм", - деди Шыкмаматов.

Белгилей кетсек, "Алмамбет Шыкмаматов 2011-жылы Эсептөө палатасынын аудитору болуп турганда жеке кызыкчылыгын көздөп, аялынын Мерседес Бенц Е320 үлгүсүндөгү унаасын кымбат баага сатуу үчүн "Барат Люкс" ишканасын тендерге катышкандардын катарына кошууну демилгелеген" деп айыпталууда. Биринчи инстанциядагы сот иши Биринчи Май райондук сотунда каралып, 19-декабрда Алмамбет Шыкмаматовго, Эсептөө палатасынын мурдагы аудитору Жусуп Иманалиевге жана Германиянын Кыргыз мамлекетинде жашаган жараны Али Юкселге өкүм чыгарылган. Соттун чечимине ылайык, Шыкмаматов 5 миллион сом айыпка жыгылган. Иманалиев 10 жыл 6 айга күчөтүлгөн тартипте эркинен ажыратылып, мүлкү конфискацияланып, эркиндикке чыккандан кийин 3 жыл мамлекеттик жана муниципалдык кызматта иштебейт. Ал эми алар менен бирге айыпталып жаткан Юксел жазадан бошотулган. Шыкмаматов соттун мындай чечимине каршы экенин билдирип, Бишкек шаардык сотуна кайрылган.

Автор: Айсалкын Качкынбекова

11:39 13-03-2018

Жазылуу

РУБРИКАДАГЫ СОҢКУ КАБАРЛАР

23:46 2025-06-30 | Коом жана турмуш

"1000ге жеткиришибиз керек". Ташиев Чаткалдыктарга өзгөчө тапшырма койду (видео) 193 0

23:18 2025-06-30 | Түркүн дүйнө

НАТОнун саммити 2026-жылы Анкарада өтөт 130 0

23:06 2025-06-30 | Түркүн дүйнө

Иран Украинанын Тегерандагы өкүлүнө нааразылык нотасын тапшырды 367 0

22:45 2025-06-30 | Кылмыштар, кырсыктар

УКМК Бишкек менен Чүйдө жер тилкелери мамлекетке алынганын билдирди 272 0

22:31 2025-06-30 | Түркүн дүйнө

Сирия жакынкы ааралыкта Израил менен тынчтык түзүшү мүмкүн 291 0

22:02 2025-06-30 | Түркүн дүйнө

Трамп Сирияга каршы санкцияларды жеңилдеткен буйрукка кол коёт 298 0

Архив

Комментарийлер (6)

Mirlan27011987

2018-03-13 11:48:15

Акча суйлоп баштаганда, акыйкат унчукпай калыптыр.

-1

Makain

2018-03-13 15:45:18

Коркконундан ооруп жатат намаз окусаныз оорубай калат

-1

Jelezo

2018-03-13 15:51:09

Биздин кызыл китепке кире турган соттор жок болуп кетүү коркунучунда аларга да даары берип туруш керек,ал эми сиз духуңузду түшүрбөң ак ийилет бирок сынбайт

Senator

2018-03-13 17:18:00

Аялынын машинеси сатылганы гумон санатты а калганын билбейм

Дарыгер

2018-03-13 17:33:01

Туура Бут баарын камаш керек муну дагы

-1

akylbekkg

2018-03-13 19:02:47

Оорумактан олуп кетпейсинби!! Сендей аферистердин айынан Кыргызстан онукпой жатат!!

Комментарий калтыруу үчүн өз ысымыңыз менен кириңиз же каттоодон өтүңүз.