Момбеков: "Фарид Ниязов КСДПнын төрагасынын орун басарлыгынан кетет"

Фарид Ниязов КСДПнын төрагасынын орун басарлыгынан кетет. Бул тууралуу партиянын саясий кеңешинин жыйынында белгилүү болгонун SUPER.KG'ге депутат Рыскелди Момбеков кабарлады.

Анын айтымында, Ниязов партиядагы ишмердүүлүгүн токтотуп, "Апрель" аталышындагы кайрымдуулук фондду жетектейт.

"Партия төрагасы Алмазбек Атамбаев бүгүнкү жыйын аябай пайдалуу болгонун, мындан ары бат-баттан жолугушуп турууну айтты. Андан сырткары, орун басары Фарид Ниязов партиядагы ишмердүүлүгүн токтотуп, жаңыдан түзүлгөн "Апрель" деген кайрымдуулук фондду жетектөөгө кетет экен. Анткени, жыйын учурунда мен мурдагы президент менен азыркы президенттин ортосундагы араздашуу Фарид Ниязовдун айынан болгонун, ошондой эле ал президенттик аппаратты жетектеп турган учурунда фракция менен болгон байланышта кемчиликтер кетиргенин айттым. Кийинки жолугушууда анын ордуна башка адамды шайлоо боюнча маселе каралат", - деди Момбеков.

Белгилей кетсек, бүгүн, 16-апрелде Алмазбек Атамбаев Жогорку Кеңештеги КСДП фракциясынын депутаттары менен "Ала-Арча" резиденциясында жолугушуу өткөрдү. Жолугушуу бир жарым саатка созулуп, анда Атамбаев партиянын төрагасы катары өз программасы менен тааныштырып, өлкөдө болуп жаткан саясий кырдаал боюнча пикирин билдирди.

Маалымат үчүн: 2017-жылы Чыныбай Турсунбеков КСДПнын саясий кеңешинин төрагасынын биринчи орун басарлыгынан кеткенде Ниязов анын ордун ээлеген. Андан соң Ниязов президенттик шайлоодо Сооронбай Жээнбековдун штабын жетектеп, кийин анын кеңешчиси болуп, президенттик аппарат башчылыгына дайындалган. Быйыл 7-мартта Ниязов президенттик аппарат башчысы кызматынан бошотулган.

Автор: Жамалидин Парманкулов

13:58 16-04-2018

Жазылуу

РУБРИКАДАГЫ СОҢКУ КАБАРЛАР

13:38 2025-06-30 | Саясат

Садыр Жапаров ЖККУга мүчө-мамлекеттердин тышкы иштер министрлерин кабыл алды 121 0

12:55 2025-06-30 | Коом жана турмуш

Ат-Башыда "Кыргыз даамы", "Кыргыз шырдагы" фестивалдары өттү 174 0

12:26 2025-06-30 | Кылмыштар, кырсыктар

Айдоочу, абайла! Бишкекте жол кырсыгынан айдоочу каза болуп, жанындагы кыз оор жаракат алды 919 0

11:56 2025-06-30 | Кылмыштар, кырсыктар

Бишкектин вице-мэри Таалайбек Байгазиев опузалап алган акчасын кайтаруу учурунда кармалды 1163 0

11:24 2025-06-30 | Түркүн дүйнө

Францияда 1-июлдан тарта коомдук жайларда тамеки чегүүгө чектөө кирет 230 0

11:22 2025-06-30 | Түркүн дүйнө

Измирдеги Аднан Мендерес аэропорту кайрадан учууларга ачылды 320 0

Архив

Комментарийлер (9)

MAKALAK

2018-04-16 14:10:00

Атамбаев депутатарды чогултуп жыйын откоргонго акысы жок ал пенсияда.Саясаттан да биротоло кетиш керек анын ыйгарым укуктары токтотулган.

+13

uli1234

2018-04-16 14:20:16

Атамбаев эс алчы корунбочу козго

+13

kechirmeni

2018-04-16 15:16:55

uli1234,++++++++++++++++++++++++++++++++++++++++

Dembele84

2018-04-16 15:13:08

Ушу экс президентти корсом нерв боло берем!

+11

zhaku2017

2018-04-16 15:13:57

Бука жокто торпок бий болуп - журчу эле эми АША келип бул Фаридти бир сузгон окшойт.

Bolunbo.kyrgyz

2018-04-16 15:28:15

Момбеков жакшы депутат коп министр башкаларга караган да мекенчил адам сыйлайм.

jbolotov

2018-04-16 15:50:49

Апрель деген фонду эмне иш кылат экен? Ким финансылайт, мамлекеттке жуктоп койсо керек, анан ал фонду Атамбаевдин саясатын жургузгондорго акча толоп турса керек?

i1urp

2018-04-16 16:07:45

Азаматсын АША сизди колдойбуз. Коп ишти жасадыныз.

-6

Nazaralikarakulja

2018-04-16 20:54:31

Атамбайдын адамдарын тазалап жок кылыш керек андай кылбаса бут тосуп жатат пенсиядагы адам тез тез бандиттердей эле чогултуп жатат ички иштер органдары катуу кармаш керек андай кылбаса мамлекетке зыяны тиет пайдасы жок

Комментарий калтыруу үчүн өз ысымыңыз менен кириңиз же каттоодон өтүңүз.