Казакстанда кармалган экс-депутат Дамирбек Асылбек уулун камакта калтыруу мөөнөтү узартылды

Тектеш кабарлар: Казакстанда Кыргыз депутаты Дамирбек Асылбек уулу кармалды (60 материал)

Казакстанда контрабандага шектелип кармалган Жогорку Кеңештин депутаты Дамирбек Асылбек уулун камакта калтыруу боюнча баш коргоо чарасы 15-майга чейин узартылды. Бул тууралуу Казакстандын жергиликтүү басылмалары укук коргоо органдарына шилтеме берүү менен жазып чыгышты.

Маалыматка ылайык, Алматы шаардык соту камакка алынган 5 адамга карата камакта калтыруу мөөнөтүн узартуу чечимин чыгарды.

Эске салсак, 19-февраль күнү Казакстандын Башкы прокуратурасы аталган өлкөнүн чек арага жакын аймагында контрабанда менен шугулданган уюшкан кылмыштуу топторго каршы аракетти күчөтүү, бажыга байланыштуу тармагындагы укукка каршы ишмердүүлүктү токтотуу максатында атайын операция жүргүзүлгөнүн билдирген. Жыйынтыгында 35 шектүү адам кармалып, анын ичинде 3 Кыргыз жараны бар. Анын бири - Жогорку Кеңештин депутаты Дамирбек Асылбек уулу экендиги тастыкталган. Кармалгандар Кытайдан Казакстанга, ошондой эле Кытайдан Кыргыз мамлекети аркылуу Казакстанга көмүскө схемалар жана жасалма документтер менен товар киргизүүгө шектелип жатышат.

Казакстандын ЖМКлары бул өлкөнүн ИИМинин алдындагы Мамлекеттик тил жана маалымат департаментинин башчысы Алмас Садубаевге шилтеме берүү менен, бул депутат Казакстанда туулганын, жашы жеткенде Казакстан жарандыгын алып, ал паспорттун мөөнөтү бүткөндө Казакстандан жаӊы паспорт алганын жарыялашкан. Буга байланыштуу иликтөөлөрдүн натыйжасында, Асылбек уулунун кош жарандуулугу аныкталып, 16-апрелде депутаттык мандатынан ажыратылган.

12:45 04-05-2018

Автор: Бектур Токтоноев

Жазылуу

РУБРИКАДАГЫ СОҢКУ КАБАРЛАР

21:52 2024-05-01 | Маданият, шоу-бизнес

Азиз Батыровдун шакирттери эл аралык сынакка катышат 515 0

21:38 2024-05-01 | Коом жана турмуш

Дайынсыз болуп жаткан 12 жаштагы Раатбек аман-эсен табылды 995 0

21:17 2024-05-01 | Коом жана турмуш

Айылдарда 600 сом болсо, шаарларда 1200 сом. Турак жайды эмне үчүн камсыздандыруу керек? 926 0

20:33 2024-05-01 | Коом жана турмуш

Көңүлдү жаз кылган гүлдөр. Кызгалдактуу талаанын ажайып сүрөттөрү 718 0

20:08 2024-05-01 | Коом жана турмуш

Борбордо Бишкектин 2025-жылга чейинки өнүктүрүү программасы талкууланат 463 0

19:30 2024-05-01 | Коом жана турмуш

Кочкордо өспүрүмдөр арасында республикалык мелдеш башталды 647 0

Архив

Комментарийлер (7)

aitowa11

2018-05-04 12:50:17

Эн жакшы.

fantomas

2018-05-04 13:12:17

10-20 жылга камап салсын казактар, строгий режимде...

RNA78

2018-05-04 13:24:37

Кыргызстанда болгондо журогу ооруп жатып алмак да, казактарга бул номер отпой калды гоо...

cyrus

2018-05-04 14:04:10

RNA78,Бизде оорулу адамга ишенишет турмого
камашбайт. Себеби соттордун да кээде журогу
ооруп турат.

jbolotov

2018-05-04 13:35:55

Эмне учун жогорку кызматка отураарда жарандыгы теушерилбей эми билинип атат? Кыргыз мамлекетин шпиондор деле бираз жашаган болуп башкарып кетсе болобу? Коопсуздук ото начар экенда, андпй болсо миллиондогон акчаларды кетирбей Улуттук Коопсуздук Комитетин жаап салгылада.

Nibiru.

2018-05-04 13:48:17

Чыгарбагыла такыр эле

Firdaus-Muslim

2018-05-04 15:29:12

Ө.Текебаевди С.Жапаровду күнөөсүз далилсиз камады.
Эми бул адамды кеминде жыйырма жылга камаш керек.

Комментарий калтыруу үчүн өз ысымыңыз менен кириңиз же каттоодон өтүңүз.