Бишкектин мэрлигине талапкер катары Нариман Түлеев, Темир Сариев, Иса Өмүркуловдун ысымдары аталууда

13-июлда Бишкек шаардык кеңеши мэр Албек Ибраимовго ишеним көрсөтпөө чечимин кабыл алган. Андан бери 3 күн өтүп, калаа башчысы кызматына талапкер катары ар кандай ысымдар аталууда. Мыйзамга ылайык, мэрликке талапкерди көрсөтүү укугу шаардык кеңештин фракцияларында, коалицияларында жана премьер-министрде бар. Мэр жашыруун добуш берүү аркылуу шайланат.

Айрым булактарга таянсак, мэрликке төмөнкү адамдардын талапкерлиги көрсөтүлүшү мүмкүн. Алар:

1) Жогорку Кеңештин КСДП фракциясынан депутат Иса Өмүркулов. Ал 2010-жылдын апрелинен 2011-жылдын февралына чейин Бишкек шаарынын мэринин убактылуу милдетин аткаруучу, ал эми 2011-жылдын февралынан 2013-жылдын 5-декабрына чейин Бишкек шаарынын мэри болгон. 2015-жылдын 4-октябрында КСДПнын тизмеси боюнча VI чакырылыштагы Жогорку Кеңештин депутаты болуп шайланган.

2) Бишкек шаардык кеңешинин төрагасы Алмаз Кененбаев. Ал 2012-жылдан тарта шаардык кеңештин акыркы 2 чакырылышынын депутаты. 2017-жылдын декабрь айында аталган кеңештин төрагасы болуп шайланган.

3) Экс-депутат Нариман Түлеев. 2008-2010-жылдары Бишкектин мэри кызматын аркалаган. 2010-2013-жылдары Жогорку Кеңештин "Ата Журт" фракциясынан депутат болгон. 2012-жылы Түлеев "мэр болуп турганда Кытайдан автобустарды алып келүү иштеринде мамлекетке ири көлөмдө зыян келтирген" деп айыпталып камакка алынган. 2013-жылы 29-июлда Бишкек шаарынын Ленин райондук соту Түлеевди мүлкүн конфискациялоо менен 11 жылга эркинен ажыраткан. 2014-жылдын 23-декабрында шаардык сот, 2015-жылдын 30-ноябрында Жогорку Сот ал чечимди күчүндө калтырган. Бирок соттолгонуна 2 жыл 10 ай гана болгонуна карабастан, Нариман Түлеев 2015-жылы 7-май күнү кечинде күтүүсүз жерден абактан бошотулган. Анын иши эки ирет мунапыска дал келип, Түлеев сот тарабынан коюлган айыпты (келтирилген чыгымды) толугу менен төлөгөн соң эркиндикке чыккан.

4) Жогорку Кеңештин "Ата Журт" фракциясынан экс-депутат Азиз Суракматов. Ал 2008-2010-жылдары Бишкек шаардык кеңешинин депутаты, 2010-2015-жылдары парламенттин депутаты болгон.

5) Саясатчы Темир Сариев. Ал 2015-2016-жылдары Кыргыз Республикасынын премьер-министри болгон. 2017-жылы президенттик шайлоого катышып, 43,3 миң добуш (2,55 пайыз) топтоп 4-орунду ээлеген. Учурда мамлекеттик кызматта иштебейт.

6) Бишкек шаардык кеңешинин экс-депутаты Жамалбек Ырсалиев.

Автор: Нургазы Аматов

17:25 16-07-2018

Жазылуу

РУБРИКАДАГЫ СОҢКУ КАБАРЛАР

21:30 2025-05-03 | Коом жана турмуш

Жеңиш майрамына карата 8-9-май күндөрү борбордогу бир катар көчөлөр жабылат 431 0

20:24 2025-05-03 | Кылмыштар, кырсыктар

Ошто букмекердик иштерди мыйзамсыз жүргүзүүгө шектелгендер кармалды (видео) 771 0

18:42 2025-05-03 | Кылмыштар, кырсыктар

"Батирлерин сатып". Бишкекте ири алдамчылыкка шектелгендер кармалды 1190 0

17:27 2025-05-03 | Коом жана турмуш

"Генерал айтты да, аны аткарды". Өмүрбек Бабанов Ташиевге ыраазычылык билдирди (видео) 4511 1

17:03 2025-05-03 | Түркүн дүйнө

Зеленский Путин сунуштаган 3 күндүк ок атышпоо сунушуна макул эместигин билдирди 2207 0

16:12 2025-05-03 | Түркүн дүйнө

Орусияда мышык эки аялды балконго камап салган (видео) 2110 0

Архив

Комментарийлер (19)

States

2018-07-16 18:06:05

Бет деген жок экен

jbolotov

2018-07-16 18:32:53

Уялбайт экенсинерда. Сариев кызматынан миллиондорду жеп салган деген чуу менен кеткен эле эми эч нерсе болбогондой тамак синиргендей кайрадан столго отурганы атышат. Мен президент болсом буларды мэрлике талапкер эмес олум жазасына талапкер кылмакмын.

Baiko128

2018-07-16 18:42:40

Бет дегенден берген экенда а....

Nursbaike

2018-07-16 18:46:56

Жанар Акаевди корсотсо болмок

-1

Krai

2018-07-16 18:49:59

Нариман Тулеев убагында жакшы иштеген

zzz---zzz

2018-07-16 19:06:25

Талапкер калбай калгандай кайра эле корупционерлерди мэр кылып шайлашты эмне кереги бар.

TalaCSKA

2018-07-16 19:10:00

Коррупция иштерине айыпталган мамлекеттик чиновниктердин ичинен Нариман Тулеев кана келтирди деген чыгымдарды толук толоп , турмого олтуруп чыкты.бул жагынан эркек экен.башка любой кармалган же айыпталган жегичтер сразу эле ооруп больницага жатып дагы башка фокустар аркылуу жоопкерличиктен кутулуп кетишет.же жеп жеп алышып кармалганда бет жоктонушуп саясий буйрук деп элди кочого алып чыгышып митинг уюштура калышат.

Suior85

2018-07-16 19:15:14

Тулеев жакшы иштеген

BekAmir

2018-07-16 19:17:18

Онолбойт экенбиз. Айланып эле эски жегичтер келет бийлике. Шорубуз коп эл экенбиз...

Aman_Mansurov

2018-07-16 19:35:20

Тулеев жакшы иштеген, АША Тулеевти көрөалбай камап салып, коррупционер Өмүркуловду Мэр кылган

-1

Milduri

2018-07-16 19:39:44

Түлеев эң татыктуу жакшы мэр болот.

pat12

2018-07-16 20:01:13

Баягы эле бир казандан тамак уурдап жегендер.

Alixan-Nookat.2015

2018-07-16 20:11:21

Нариман Түлеевди койсо жакшы иштейт, буга чейин мэр болуп турганда да жакшы иштерди жасаган.

Miroslav

2018-07-16 22:11:07

Меербек Мискенбайып дагы койуптур,99% шанс бар экен мер болушуна,эми Бишкек гулдоп осот буйурса.

-5

turaliev

2018-07-17 13:00:27

Жаш кадрлар келсин

Комментарий калтыруу үчүн өз ысымыңыз менен кириңиз же каттоодон өтүңүз.