"Кыргызды маданияты төмөн калк катары таанытпайлы" деп Москвада Кыргыз жарандары чогулуш өткөрүштү

Москва шаарындагы Кыргыз диаспорасынын Аксакалдар кеңеши жана Коомдук кеңештин демилгеси менен Москва шаарынын Марьино районунда болгон кырсыкка карата Кыргыз жарандарынын катышуусунда чогулуш болуп өттү. Чогулуш кечээ, 11-сентябрда болгонун Аксакалдар жана Коомдук кеңешинин төрагасы Раимкул Аттокуров SUPER.KG порталына билдирди.

Билдирүүгө ылайык, чогулушка Кыргыз Республикасынын Орусиядагы элчилигинин, Миграция кызматынын өкүлчүлүгүнүн кызматкерлери, коомдук уюмдардын төрагалары, активисттер жана жалпы эле Москвада ар түрдүү багыттарда эмгектенип жаткан мекендештер катышты.

"Чогулушта акыркы убакта Кыргыз жарандары катышкан кылмыштар көбөйүп жатканы, мындай абал баарыбыздын жүрөгүбүзгө тынчтык бербей жатканы, мекендештердин өзүн-өзү алып жүрүүсү, маданияты, адеби төмөндөп баратканы айтылды. Мунун кесепетинен бөтөн элде жалпы кыргыз элин өзгөлөр маданияты төмөн калк катары таанып жатканы талкууга алынды", - деди Аттокуров.

Чогулуштун жүрүшүндө ага катышкан мекендештерден төмөндөгү суроолор жана сунуштар түштү:

1. Ай сайын Кыргыз Республикасынын расмий өкүлчүлүктөрүнүн жетекчилеринин катышуусунда жалпы мекендештер менен биргеликтеги жыйналышында түшүндүрүү иштерин жүргүзүү;

2. Бүгүнкү чогулушта көтөрүлгөн маселелердин негизинде тиешелүү органдарга кайрылуу жиберүү;

3. Болуп жаткан терс көрүнүштөрдүн, кырсыктардын себебин биргеликте анализдеп, сунуштарды талкуулоо;

4. Коомдук кеңештин уюмдарынын өкүлдөрүнүн курамынан чакан комиссия түзүлүп, кыргыз кафе-ресторандарын, жаштардын, унаа айдоочулар (таксисттер), спортчулар, кыз-келиндер, студенттер жана башка мекендештердин арасында жаралган көйгөйлүү маселелердин себебин талкуулоо жолу менен түшүндүрүү иш-чараларын жүргүзүү;

5. Жалпы мекендештер менен түз байланышта болуп, миграция жана башка мыйзамдардын өзгөрүүсү тууралуу жана башка маалыматтарды маалымдоо максатында интернетте өзүнчө ютуб-канал ачуу.

Автор: Кызжибек Раимова

23:57 12-09-2018

Жазылуу

РУБРИКАДАГЫ СОҢКУ КАБАРЛАР

23:46 2025-06-30 | Коом жана турмуш

"1000ге жеткиришибиз керек". Ташиев чаткалдыктарга өзгөчө тапшырма койду (видео) 813 0

23:18 2025-06-30 | Түркүн дүйнө

НАТОнун саммити 2026-жылы Анкарада өтөт 292 0

23:06 2025-06-30 | Түркүн дүйнө

Иран Украинанын Тегерандагы өкүлүнө нааразылык нотасын тапшырды 837 0

22:45 2025-06-30 | Кылмыштар, кырсыктар

УКМК Бишкек менен Чүйдө жер тилкелери мамлекетке алынганын билдирди 424 0

22:31 2025-06-30 | Түркүн дүйнө

Сирия жакынкы ааралыкта Израил менен тынчтык түзүшү мүмкүн 471 0

22:02 2025-06-30 | Түркүн дүйнө

Трамп Сирияга каршы санкцияларды жеңилдеткен буйрукка кол коёт 442 0

Архив

Комментарийлер (10)

Janybekleilekkg

2018-09-12 13:09:03

Посольствонун айланасы Добрынинский метродон баштагыла тушундуруу иштерин.Кыйкырып окургон,какырып тукуруп,кочодо курошкон Кыргыздын маданиятсыз жигиттери баары ошол жерде.Метродон чыккан Кыргыздын артынан 7-8бала ээрчип алат билет керекпи,такси керекпи,жук саласынбы деп

+15

bond02

2018-09-12 13:30:59

Уже таанылып бутподукпу, маданиятсыздыкты Москвада кыргыздардан эч ким талашпай эле койсун, ачуу чындык.

+10

ady-88

2018-09-12 15:16:47

Биз кыкендер абдан гоптук. Бизге патент эле киргизип койсо болду желибиз шариктей эле чыгат чиркин, анан калса кр правасы менен иштетпей турган кылып койсо совсем момойуп калат элек. Бизге ОЗУ жакшылык доолот жакпайт экен.

sumramnur

2018-09-12 15:19:22

Аксакалдар бар экен го, тартипке салып, акыл насаатыныздарды айтыныздар. Марьинодогу кырсык жалпы кыргыздын трагедиясы деп билем. Кыргызды эзелтеден акылман, копту коргон аксакалдар тартипке салып келген.

Дарыгер

2018-09-12 17:46:45

Кыргыздын тунку клубтарын жаап салыш керек. Клубтарын тартипти эч Ким карай албайт аксакалдар дагы спортсмендер дагы. Жабалактага6 ХХХХХХХ болуп алсыз байкуштар коптоп бироону Уруп тепкилеп кете беришет

Jyrgal_msk

2018-09-12 20:34:37

Кыргыздар Москвада тунку клуб,кафе,ресторан,тойкана ачышат.Туну менен ичип,танцага тушуп,акыры уруш менен бутот.Озбек,тажик туугандар чайхана ачышат.Ал жерде ичимдик ичпейт,тамеки чекпейт.Досторун менен бакылдашып отуруп чер жазасын.

Sagyn.91

2018-09-13 01:04:38

Добрынинский метродон чыксан Ош базарда жургондой журушот.
Ыз тыз, бул жакта туруп уяласын. Арканан кууп алышат.

Эми маданиятсыздыкты бизден эч Ким талашпай эле койсун ачыгы.

Farkhat07.05.89

2018-09-13 03:13:09

Ушундай болгон жыйын,чогулуштарды бат-баттан откоруп туруш керек.Эн туура нерсе деп ойлойм.МВДдан дагы кишилер келип тушундуруу иштерин жургузуп,статьялардан кененирээк маалымат берсе.

Farkhat07.05.89

2018-09-13 03:14:37

Каяктан,кимден угуп ушуга окшогон жыйындарга катышсак болот?Ким билет?

ALMAAAN

2018-09-13 05:25:01

Ошо Добринскийдеги балдары вапше эле көвүп кетишкен бир эки күн залга барып алып талтайып баскандын баары ошол жерде

Комментарий калтыруу үчүн өз ысымыңыз менен кириңиз же каттоодон өтүңүз.