Чычкан капчыгайында тыгын жаралып 200дөй оор жүк ташуучу унаа токтоп турат. Жалал-Абад облустук жол кыймылынын коопсуздугун камсыздоо башкармалыгы айдоочуларга нан жана ысык чай таратылып жатканын кабарлады.
"Ош-Бишкек жолунун Чычкан капчыгайындагы тилкесинде жааган кардан улам 2 күндөн бери 200дөй оор жүк ташуучу унаа тыгында турат. Кырсыктардын алдын алуу максатында алар кезек менен өткөрүлүүдө. Жол кыймылынын коопсуздугун көзөмөлдөөчү инспектерлор айдоочуларга унаалардын арасында 500 метр аралыкты сактоону эскертип, ысык чай жана нан таратууда", - деп билдиришти башкармалыктан.