"ЭЛДИК КАБАРга" жооп: "Ош шаарындагы суу түтүктөрүнүн эскилиги жеткендиктен, күнүнө 4-5 жерде авариялык абал жаралат"

Ош шаарындагы ХБК кичи районунда ичүүчү суунун киргил чыгып жатканы боюнча "Ошшаарсууканал" муниципалдык мекемеси түшүндүрмө берди.

Бүгүн, 27-ноябрда Ош шаарынын тургуну "ЭЛДИК КАБАРГА" крандан аккан ичүүчү суу кир чыгып жатканын айтып, маалымат жиберген.

"ХБК кичи районундагы крандан кир суу чыкканынын болжолдуу себептеринин бири катары ысык суунун жогорку басымда берилишин айтсак болот. Тактап айтканда, ысык суу берилүүчү түтүктө оңдоп-түзөө иштери жүргүзүлгөн соң насостун жардамы менен жогорку басымда ысык суу берилет. Мунун натыйжасында ысык суу түтүгүндөгү калдыктар таза сууга аралашып ылай болуп чыгышы мүмкүн.

Ичүүчү сууну шаарга берүүдө "Ичүүчү суунун коопсуздугу жөнүндө" техникалык регламенттин талаптарына ылайык берилерин маалымдайбыз. Ошондой эле суу түтүктөрүнүн эскилиги жеткендигине байланыштуу, таза суу түтүктөрүндө авариялык абалдар күн сайын 4-5 жерде кездешет. Аталган авариялар катталган учурда оңдоп-түзөө иштери жүргүзүлүп, абалды калыбына келтирүү боюнча иш алып барылат", - деп билдиришти аталган мекемеден.

Ошондой эле ылай суу бүткүл шаар боюнча эмес, ХБК кичи районундагы бир эле үйдөн чыккандыгына байланыштуу өз ара оңдоп-түзөө иштеринен улам ушул кырдаал жаралышы мүмкүн деп кошумчалалашты мекемеден.

Эске салсак, окурман жогорудагы маселе боюнча "ХБК кичи районунда крандан кир суу чыгып жатат. Мындай көрүнүш 10 күн мурун да кайталанган. Кыш босогодо турат. Ушундай учурда да оңдоо иштери жүрөбү? Бул суу менен суу жылытуучу жабдуулар, кир жуучу машиналар зыянга учурайт", - деген.

Автор: Гүлжан Асанкожоева

17:34 27-11-2018

Жазылуу

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 215 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 937 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 1026 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 403 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 528 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 852 0

Архив

Комментарийлер (2)

madina.87

2018-11-27 17:58:36

Жаны Жылдык балатыга миллиондорду коротуп майрамдагандан көрө ошол суу түтүктөрүн алмаштырып койсо болмок.Чоң чоң байларга салык салып,ушундай маселелерди чечип элдин көйгөюн уккан адам болсо ....Эх кыялданып гана тим болот окшойбуз.

Liliia

2018-11-27 22:55:03

жалганды каратып туруп айтышканын биздин домдо ыссык суу жок, и бир эле биздин домдо эмес Ош боюнча эле жамгыр себелеп койсо болду суу сатып ичкенге туура келет

Комментарий калтыруу үчүн өз ысымыңыз менен кириңиз же каттоодон өтүңүз.