Ошто кайнисинин баласын шымына сийип койгону үчүн сабап өлтүрүп койгон келиндин үй-бүлөсү начар шартта жашаган. Анын жолдошу окуядан кийин 6 баланы үйгө таштап кетип калган

Ош облустук ооруканасына жеңеси тарабынан катуу сабалып, өлүү жеткирилген 2 жаштагы наристенин өлүмү жана шектүүнүн турмуш-тиричилиги боюнча жаңы маалыматтар аныкталды.

Маалыматты Ош ШИИБинин басма сөз кызматынан тастыкташты. Анда белгилүү болгондой, 2 жаштагы наристе тарбияланган үй-бүлөнүн турмуш шарты начар болгон.

"Кылмышка шектелип кармалган 30 жаштагы келин Ош шаарында алма сатып тиричилик кылган. Ал эми анын жолдошу базарда араба түртүп иштеген. Үй-бүлөнүн 5 баласы бар. Аларга кошуп маркум наристени 5 жаштагы бир тууганы менен кошо 7 баланы багып келишкен. Каза болгон баланын ата-энеси ажырашып кетип, аларды атасы алып калган. Өзү Орусияга иштегени кетерде агасы менен жеңесине 2 баласын таштап кеткен. Ал 1991-жылкы болсо, аялы 1993-жылы төрөлгөн.

Социалдык коргоо кызматкерлери кылмышка шектүүнүн үйүнө барышканда анын жолдошу Жалал-Абадга кетип калганы белгилүү болгон. Ал эми каза болгон наристенин 5 жаштагы бир тууганы жана кылмышка шектүүнүн балдары үйүндө жалгыз калышканда аларга үй-бүлөнүн улуусу, 12 жаштагы кыз баш-көз болуп калган. Учурда балдарды мамлекет өз карамагына алуу иштери боюнча социалдык кызматкерлер иш алып барууда", - деп билдирди басма сөз кызматы.

Окуя боюнча Кылмыш-жаза кодексинин 138-беренеси (этиятсыздыктан адам өлүмүнө алып келген оор залал келтирүү) боюнча кылмыш иши козголду. Шектүүнүн баш коргоо чарасы эртең, 12-январда каралат.

Окуя тууралуу айта кетсек, 10-январь күнү Ош облустук ооруканасына жеңеси тарабынан катуу сабалып 2 жаштагы наристе келип түшкөн. Дарыгерлер анын ооруканага чейин эле каза болуп калганын аныктап, милицияга кабарлашкан. Шектүү катары кармалган 30 жаштагы келин аны шымына сийип койгону үчүн тарбиялоо иретинде уруп койгонун айткан.

Автор: Гүлжан Асанкожоева

07:33 12-01-2019

Жазылуу

РУБРИКАДАГЫ СОҢКУ КАБАРЛАР

18:20 2025-06-14 | Коом жана турмуш

Замандын талабындагы китептер: Кызыгуу, тандоо жана тренд 932 0

17:41 2025-06-14 | Коом жана турмуш

Кулубаев Оман Султандыгынын тышкы иштер министри менен сүйлөштү 200 0

16:55 2025-06-14 | Түркүн дүйнө

Израил Ирандын негизги илимпоздорун жок кылганын билдирди 1275 0

16:07 2025-06-14 | Маданият, шоу-бизнес

Эл аралык көргөзмөгө катышуу үчүн чыгармачылык иштерди тандоо башталды 200 0

15:36 2025-06-14 | Коом жана турмуш

Ошто турак үйдөн өрт чыгып, 63 жаштагы аял каза тапты 540 0

15:31 2025-06-14 | Бизнес-Инфо

Алдыңкы клубдар, катуу матчтар, ысык оюн талаасы – O!TV'да FIFA Дүйнөлүк Клубдук кубогу 231 0

Архив

Комментарийлер (12)

HAPPY.GIRL

2019-01-11 22:23:41

Энелер ажырашпагыла. Кетсенер балананрды кошо ала кеткиле!!!Энелуу жетим эрке жетим,Аталуу жетим арсыз жетим деген ушу. Чымчыктын уясы бузулбасын дейт элем.

+11

AIA-TOO

2019-01-11 23:34:30

Адам өлтүрүү беренеси менен эле соттобойбу, дене оор залака келтирүү эмей элечи. Балдарын таштап кетип калган эркек сөрөй адам эмей эле айбанго, наристелерде эмне айып?

Skarlett-Skarlett

2019-01-11 23:48:43

Жаштар,Кудай берди деп эле торой бербей баланын келечегин ойлоп,пландаштырып торогуло дейт элем.Жапжаш келин базарда алма сатып иштеп,куйоосу араба суйроп анчалык жокчулукка пландаштырбай торогонунор да себеп.Эхх!Кандай окунучтуу!Байкуш наристе канча кордук корду экен,алсыз периште((((

dobrajelatel

2019-01-12 02:39:43

Skarlett-Skarlett, жүрөгүм ооруйт. Чырылдап ыйлап өлгөнүн да билбей калды.

Aiymkunumjyldyzym

2019-01-11 23:52:40

Bala degen siet da,ozunun balasy syibeit beken.Kudai sakasyn uwundai kabarlar kop chygyp jatat go negedir.

BekAmir

2019-01-12 00:00:50

Бийлик мыйзамды озуно бурбай ушундайларга чараны катуулатуу керек

Uchilka91

2019-01-12 00:15:51

Умышленное эле убийство эле! Этиятсыздыктан, кокустуктан деп аны да... Өлүп калгыча кантип сабайт 2! жашар гана баланы????? Аял киши??? Мен эч качан түшүнө албайм андай адамдарды... Уффффф...

Beka1986

2019-01-12 00:29:00

Баланарды таштабагылачы...эээ Аллахым озун коргооно алчы кичинекей периштелерди(

m.a.d.e_i.n_m.a.m.a

2019-01-12 00:36:57

Менин 2 жаш 2 ай болуп калган балам сийип коет, өзү билет айтыш керек экенин, айтат. Бирок кээде оюнга алаксып кеткенде унутуп коет айтышты, анан басалбай бир орунда туруп калса уруш оюңа да келбейт, мойтоюп көздөрүн бакырайтыып күнөөсүн сезип унчукпай турса бооруң ооруп кетет. Жатыркап калбасын деп өзүң кайра күлүп көңүлүн көтөрүп коёсуң. Оюнкараак жөжөлөр жаңы эле сийип койгонун унутуп ойноп кетишет да 1 сааттан кийин эле ошол көрүнүш. Бул нерсе да өтүп кетет, чыдаш керек

dobrajelatel

2019-01-12 02:42:35

Төрт кыргыз жолдон, көлдөн, колдон, талаадан (чет жерде) кырылып бүтмөй болду.

Avrora2017

2019-01-12 03:26:49

6 баланы таштап баса берген ата сооройду аталык милдеттен ажыраткыла , балдарын жетимканага жибериш керек , башка кандай айла бар , адамдарда журок жок болуп калыптыр , мереес таш боор болушуп, ушунча бала торобой эле койгулачы быжыратып бага албагандан кийин, наристенин убал сообун ойлобогон акмактар энеси да атасы да, башка айтар соз жок

-1

tynara81

2019-01-12 18:07:48

Сийип койгону үчүн тууганы тарабынан сабалып өлтүрүлгөн балдар көп болуп атат го. Бириники бирине сабак болбой атабы. Өткөндө бирөөсүн апасынын таанышы, бирөөсүн апасынын эжеси уруп өлтүрүп албады беле. Алар бири 1жаш 8 ай, бири 2 жашар болчу. Баланы анчалык кичине маалында таштабагылачы же өтөө ишеничтүү адамга таштагыла.

Комментарий калтыруу үчүн өз ысымыңыз менен кириңиз же каттоодон өтүңүз.