Президент "Ачык асман" мыйзамына кол койду

Президент Сооронбай Жээнбеков Жогорку Кеңеш кабыл алган “Кыргыз Республикасынын Аба кодексине өзгөртүүлөрдү киргизүү жөнүндө” мыйзам долбооруна кол койду. Бул тууралуу Жогорку Кеңештеги өздүк булактар кабарлады.

Маалыматка караганда, президент кол койгон документ 14-январда Жогорку Кеңешке келип түшкөн. Мыйзам расмий жарыяланган күндөн 10 күн өткөндөн кийин күчүнө кирет.

Аталган долбоор "Ачык асман" деп аталып, максаты бардык учактардын Кыргыз мамлекетинин аба мейкиндиги аркылуу каттоосуна мүмкүнчүлүгүн кеңейтүү болуп саналат.

Мыйзам долбоорун Абдывахап Нурбаев баш болгон депутаттар тобу демилгелеп, өкмөт менен чогуу иштеп чыккан. Долбоор ишке кирген 6 айдан кийин жыйынтыгын берери айтылган.

"Ачык асман” - бул чет элдик авиакомпаниялар өз өлкөсүнөн Кыргыз мамлекетине учуп келип, транзит катары конуп, жүк таштап же жүктөп, жүргүнчү алып же таштап, май куюп, кайра үчүнчү өлкөгө учууга укук берген саясат. Аны Кыргыз өлкөсү 2003-жылдан бери ишке ашыра албай келет. Эксперттердин айтымында, "Ачык асман" ишке ашса, ички жана сырткы аба каттамдарынын билеттери арзандап, тейлөө жакшырат. Бирок бул ата мекендик авиакомпанияларды банкротко учуратат. Мындан улам аталган мыйзам долбоору депутаттар жана жергиликтүү авиакомпаниялар ортосунда талашка түшкөн болчу.

Автор: Бектур Токтоноев

15:37 15-01-2019

Жазылуу

РУБРИКАДАГЫ СОҢКУ КАБАРЛАР

21:06 2025-06-26 | Түркүн дүйнө

Эл аралык космостук станцияга биринчи жолу Индия, Венгрия жана Польшанын астронавттары барышты 166 0

20:32 2025-06-26 | Түркүн дүйнө

60 күн керебетте жатышат. NASA салмаксыздыкты изилдөө үчүн ыктыярчыларды издөөдө 409 0

19:52 2025-06-26 | Саясат

Президент мектептерде мобилдүү түзүлүштөрдү пайдаланууну жөнгө салуу боюнча мыйзамга кол койду 345 0

19:21 2025-06-26 | Коом жана турмуш

"Мадина" базарындагы бир нече коомдук тамактануучу жай жабылды 561 0

18:58 2025-06-26 | Саясат

Мамлекеттик катчы БУУӨПтүн Кыргызстандагы туруктуу өкүлү менен жолугушту 222 0

18:27 2025-06-26 | Түркүн дүйнө

Франциядагы бороон: Эки адам каза болуп, 100 миңден ашуун имарат жарыксыз калды (видео) 820 0

Архив

Комментарийлер (6)

Wold

2019-01-15 16:34:37

Бул эми эмнени кыйратышы мүмкүн?

shergazy9

2019-01-15 16:40:37

Бул деген европа олколоруно туз асман ачылды деген

KAYRATBEK

2019-01-15 17:20:42

Ачык асман долбоору Кыргыз авиа компанияларына атаандаштык болуп, биздин авиа компанияларды уйкудан ойготот. Кыргыз авиа компаниялар 27жылдан бери уктап келет. Эми банкрот болбош учун, иштеп атаандаштыкка туруштук бере ала тургандай иштешет. Мен колдойм бул долбоорду

Wold

2019-01-15 17:33:36

Жергиликтүү компанияларды банкротко учуратат, дейт, нормальный иштешпесе учурататта, кайдагы тарактаган эшек-араба учактарынын билеттери асманды чапчыйт, же ичинде норма тейлөө жок, азырак коррупция кылышып жаңы учактарды сатып алышсын биздикилер. Эскирген учактары канча жолу авария болушту?

bazar

2019-01-15 18:08:28

Ким арзан ташыса элге ошол пайда.

altyn7776

2019-01-16 12:23:12

Эл учун болуш керек да. Биздеги эшек арабалар деп жакшы айтылыптыр.

Комментарий калтыруу үчүн өз ысымыңыз менен кириңиз же каттоодон өтүңүз.