"Чай куюу келиндин милдети эмес", "Кааласам төрөйм, каалабасам жок"... "Бишкек феминисттик демилгелер" кыймылынын талкууга түшкөн чакырыктары

Казакстандан атайын келген конок.

Бүгүн, 8-мартта борбор калаада "Бишкек феминисттик демилгелер" кыймылынын мүчөлөрү өткөргөн тынч митинг Уркуя Салиеванын эстелигинин жанындагы бийи менен жыйынтыкталды.

Тынч митингдин уюштуруучуларынын айтымында, ага болжол менен 500гө жакын адам катышты. Алгач митингге 250-300гө жакын адам чогулган, кийин алардын саны өскөн. Ага катышуу үчүн айрымдары Казакстандан да келген. Митингдин жүрүшүндө уюштуруучулардын "Келин болуу - бул кулчулук", "Чай куйганга милдеттүү эмесмин", "Аялдын орду Ак Үйдө", "Кааласам төрөйм, кааласам төрөбөйм", "Аял бала төрөөчү машина эмес", "Менин денем - менин ишим", "Жети апамды билем" деген ураан, чакырыктары көп кайталанды. Кыргыз коомчулугу бул чакырыктардын баарын эле колдобой турганы интернет баракчалардан байкалууда.

"Бишкек феминисттик демилгелер" кыймылынын координатору Айзат: "Биздин кыймыл 2009-жылдан бери иш алып барат, расмий түрдө 2012-жылдан бери иштеп келебиз. Бул жылы төртүнчү жолу тынч митинг өткөрүп жатабыз. Чынын айтсам, биринчи жолу бул митингге ушунча көп адам катышып берди. Биз эч кимди чакырган эмеспиз, бүгүнкү митингге катышкандардын баары өз каалоосу менен социалдык тармакта тараган маалыматтардан окуп чогулгандар. Кимдир бирөөнү бул митингге катыш же катышпа деп каршылык көрсөтө албайбыз", - деди.

Казакстандан келген "Не молчи КЗ" кыймылынын өкүлү Йоханна: "Казакстанда бул маршка тыюу салынган, тыюу салуу бир нече жылдан бери уланууда. Мен кичинекей кезимде педофилдин курмандыгы болгом, кийин чоңойгондо да сексуалдык зордук-зомбулукка кабылдым. Мен өзүмдү кир жана жаман сезчүмүн. Төртүнчү жолу өз өмүрүмө кол салууга аракет кылганда буга менин майыптыгым себеп болгонун түшүндүм, бир колумдун билектен ылдый жагы тубаса жок.

Чынында ден соолугунун мүмкүнчүлүгү чектелген аялдар зордук-зомбулукка көп кабылышат. Кыргыз өлкөсүндө абал кандай экенин билбейм, бирок Казакстанда мындай аялдарды коргоо үчүн эч нерсе жасалган жок. Буга менин 30 жылдык өмүрүм далил", - деди.

"Феминисттик демилгелер" кыймылы аял укуктары, аларга жетиштүү көңүл бурууну талап кылып чыгабыз деп окшош жыныстуулардын мамилесин колдоорун ачык көрсөтүштү" дегендер четтен чыгууда. Буга жүрүштүн катышуучуларынын ЛГБТ желегин оронуп жүргөнү, жүрүштүн соңундагы эркек адамдын кызча бийлегени жана айрым лозунгдары далил болду.

Жөө жүрүшкө Жогорку Кеңештин экс-депутаттары жана активисттер, кичинекей балдары менен келген энелер жана эркектер да катышты. Коомдук тартипти Бишкек ШИИББинин кызматкерлери камсыздашты.

Жүрүштөн тартылып алынган айрым сүрөттөр талкууга түшүп, кээ бирлер кыжырланып жатканын жашырышкан жок.

Автор: Мальвина Уметбекова
Фото: Мальвина Уметбекова

14:43 08-03-2019

Жазылуу

РУБРИКАДАГЫ СОҢКУ КАБАРЛАР

11:30 2025-06-28 | Коом жана турмуш

Бүгүн Ахунбаев көчөсүнүн бир бөлүгү жабылды. Автобустардын каттамы өзгөртүлдү(фото) 92 0

10:35 2025-06-28 | Кылмыштар, кырсыктар

Мамлекетке мыйзамсыз менчиктештирилген Гидрометеорология кызматынын имараты кайтарылды(видео) 235 0

10:21 2025-06-28 | Кылмыштар, кырсыктар

Өзгөн районунда жасалма документтерди жасоого шектелип, эки адам кармалды 336 0

09:53 2025-06-28 | Түркүн дүйнө

Amazon компаниясынын негиздөөчүсү Жефф Безос үйлөндү 845 0

09:33 2025-06-28 | Коом жана турмуш

Такыр-Төр көлүнүн жырылышына байланыштуу кошумча маалымат берилди 929 0

09:21 2025-06-28 | Саясат

Президент Садыр Жапаровдун Беларуска болгон иш сапары аяктады 416 0

Архив

Комментарийлер (41)

arlekino

2019-03-08 17:08:23

Апппейй эмнеде деген шумдук эми бул. Тобооо, Равшан эмне журот ал да чай куйбайм дейби

+16

Baktyluu_bolgum_kelet

2019-03-08 17:17:30

Торосон, төрөбөсөң өзүңдүн ишиң да.Тороп бала багып,күйөө менен эле бактылуубуз буюрса.Аялдын бактысы үй-бүлө.

+13

Baktyluu_bolgum_kelet

2019-03-08 17:18:47

Анан Равшан Жээнбековду акылдуу эле киши деп жүрүпмүн.

+11

Take_men

2019-03-08 17:35:33

Кечээ Кырк Чоро каршы жүрүшкө чыгат экен десе жаман көрдүм эле. Эми мынтип кызыл көк транстар аралашып кетиптир. Кырк Чоробуз гүл таркатып жүрөт. Ит болдук гей парад өткөрүп

Arman7

2019-03-08 17:37:22

Чайды келин куйбаганда тайнеси келип куйуп береби,булар кыргыздын каада салтын жоготкусу келгендер.Туура келин кул эмес бирок жаш келсе ишке,каары келсе ашка деген жакшы соз бар.Анан биз жаштар турганда улгайган ата-энелерибиз куйуп берсинби.Бул жер кыргыздын жери андай тунгуюк жерге алып барчу нерселерди башка жака барып кылгыла урматтуу уюштуруучулар!

+12

raykray

2019-03-08 18:25:13

Торобосонор торобой силер жок болуп кеткилечи биз соонун эле жашап жатканда экинчи сурот кантет тообо жакшынакай эле кыздар(

taalay25

2019-03-08 18:29:47

Гей парад

Nurdinur

2019-03-08 19:43:39

Буларга маани беруунун кереги жок. Мен мисалы кааласа чай куюп, кааласа торочуулорго уйлонбойм. Башы бар копчулук жигиттер да ушундай кылат. По эми Жиндилерге жиндилер табылат.

guard

2019-03-08 20:11:23

Буларды уюштуруп жаткандардын түбү Америкалык шпиондор, алар НПО лор менен да иштешет эмеспи. Америкалап журуп Равшан деген эме да кошулуп алганын кара,турганын шпиондой болуп...

zhigitaly

2019-03-08 21:25:16

Ээх кебетең кургурлар... Келечекти ойлоп коркосуң го

newman

2019-03-08 23:49:15

Тең укуктуулук деп феминисттер чыгып атат. АКШда ушул жагдай бар. Тамак чогуу жасашат, идиш жууйт эркек. Балдарды карашат дегендей. Бирок билгиле кыргыз кыздары: аларда тең укуктуулук бар үчүн аялда эркектей чогуу иштешет(ооруп каласыңбы жокпу эркектей болуп үй-бүлө бюджетине акча саласың. Кыз-жигит ресторанга барса ортодо акча төлөйт. Тең укуктуулук. Оор сумка көтөрүп бир кыз кетип атса эркектер жардамга келбейт, тең укуктуулук деп. Мен билбеген толтура кемчиликтер бар. Орду ордунда эле болсунч

tynara81

2019-03-09 14:42:18

newman,кыргыз аялдарында эркектен да оор жумуш кылгандары толтура. Канча эркек үйдө бала багып отуруп, канча аял үй бүлөнү багып жатат.
Албетте мен бул митингди колдобойм дечи. Андай нерселерди үй бүлө өзү эле чечишип алса болот.

-2

max-bek

2019-03-09 09:32:05

Ушулардын баарысы жон эле чыкты дейсинерби.нполордун акчасын жегендер да. Ушинтип анча мынча козго корунуп отчет берип турбаса акча толонбой калат буларга. Уйундо жакшына келин бирок кочого чыкканда келин бул кулчулук дегендер да бпр арасында. Мунун баары воздухтан келген акчадан айрылып калбоо

PROS

2019-03-09 09:38:13

Бала туубайм дегендер кийин өкүнөсүңөр. Картайып карууңдан күч кеткенде жеңилин жерден, оорун колдон ала турган эч кимиң жок аттиң бир балалуу болсом болмок экен деп арман кыласыңар го... А тиги жээнбеков, карасартова, байсаловду транстарга кошуп туруп өрттөп салыш керек!!! Булар кыргыз деген улуу атты булгаган акмактар!!!

Umakg

2019-03-09 11:30:37

Ушул аялдар Ата энесин сыйлабаган чай куйуп Берген эмес аялдарго тарбиясыздар уят жоктор кантип кайсыл бет менен чыкты

Chagylgan2

2019-03-11 10:42:56

ХХХХ Зере менен педагог ХХХХ атасы Асылбек корунбойт го?!!

Асылбек "кызым Зере, чай ичкен сон идиштерди озунор жыйыштырып озунор жуугула деп акылдуу кеп айтты" деп дооруп журот эле го?!!

Ошол Асылбек Роза апжесин (Отунбаева) кошо алып чыкпаптыр да, ошого окшогондордун митинги экен, Батыштын кулу болгон.....

Комментарий калтыруу үчүн өз ысымыңыз менен кириңиз же каттоодон өтүңүз.