Түрк элчиси менен муфтийдин ортосундагы нааразычылык боюнча Түркия тарап үн катты

Түркиянын Кыргыз өлкөсүндөгү элчиси

Женгиз Камил Фырат.

Түркиянын тышкы иштер министрлигинин басма сөз катчысы Хами Аксой Кыргыз мусулмандар дин башкармалыгы уюштурган ооз ачуу иш-чарасында Кыргыз өлкөсүндөгү Түркиянын элчиси Женгиз Камил Фыраттын нааразычылыгы боюнча пикирин билдирди. Бул тууралуу Түркиянын Тышкы иштер министрлигинин расмий баракчасы кабарлады.

Басма сөз катчынын пикиринде, элчи жаралган жагдайга жараша туура реакция жасаган.

"8-майда Кыргыз өлкөсүнүн Муфтияты тарабынан уюштурулган ооз ачуу иш-чарасына ФЕТӨ уюмунун мүчөлөрү чакырылганын туура эмес деп эсептейбиз. Иш-чарада конок болгон Түрк элчиси жагдайды түшүнгөн соң туура жооп кайтарган.

Чет өлкөлөрдө жашап жаткан ФЕТӨ уюмунун мүчөлөрүнө каршы күрөшүү өлкөбүздүн негизги максаттарынын бири болуп саналат. Буга байланыштуу бизге боордош өлкөлөрдүн расмий органдарынын гана эмес, бардык уюмдарынын тилектештигин күтөбүз", - деп жазылат маалыматта.

Ал эми Кыргыз өлкөсүнүн Тышкы иштер министрлиги Түрк элчисинин жоругу боюнча эч кандай комментарий берилбей тургандыгын билдирди.

Буга чейин Түркиянын Кыргыз өлкөсүндөгү элчиси Женгиз Камил Фыраттын мусулмандар дин башкармалыгына "мени террорчу менен бир дасторконго отургуздуңар" деп нааразы болуп жаткан видеосу тараган.

Автор: Бекболот Сарыбаев

10:50 14-05-2019

Жазылуу

РУБРИКАДАГЫ СОҢКУ КАБАРЛАР

21:30 2025-05-03 | Коом жана турмуш

Жеңиш майрамына карата 8-9-май күндөрү борбордогу бир катар көчөлөр жабылат 344 0

20:24 2025-05-03 | Кылмыштар, кырсыктар

Ошто букмекердик иштерди мыйзамсыз жүргүзүүгө шектелгендер кармалды (видео) 654 0

18:42 2025-05-03 | Кылмыштар, кырсыктар

"Батирлерин сатып". Бишкекте ири алдамчылыкка шектелгендер кармалды 1076 0

17:27 2025-05-03 | Коом жана турмуш

"Генерал айтты да, аны аткарды". Өмүрбек Бабанов Ташиевге ыраазычылык билдирди (видео) 4210 1

17:03 2025-05-03 | Түркүн дүйнө

Зеленский Путин сунуштаган 3 күндүк ок атышпоо сунушуна макул эместигин билдирди 2029 0

16:12 2025-05-03 | Түркүн дүйнө

Орусияда мышык эки аялды балконго камап салган (видео) 1926 0

Архив

Комментарийлер (7)

katerina.li

2019-05-14 10:59:16

Эч нерсе чече албаган ТИМди жоюп эле салыш керек

33SUUN

2019-05-14 12:14:36

Себат деген нерсеси опшум болбогон нерсе.Ошол окуу жайга балдарын берген ата энелерди мен эч тушуно албадым.Кандай адамдар жаш уул кыздарын туктуу турктордун колуна тапшырышат коркпой?

glucke45

2019-05-14 16:57:41

33SUUN,
Ошол болбогон нерседен дуйнонун 4 бурчунда ийгиликтерди багынткан кыргыздар тарбияланып чыгып жатат.

-2

Chungyz

2019-05-14 17:19:02

Атамбаев сразу местасына коймок

Nurkyz1977

2019-05-14 21:36:03

Тынч оозун ачып кетпейби?док кылбай,мечит салса АЛЛА ыраазычылыгы учун салып жатат аны бироо жакалап мажбурлап салдырган жок. Кимди чакырат же чакырбайт ар кимдин оз иши,куйоосуно таарынган аялга окшоп. Кыргызча айтканда ашынды ичейин,кадырына XXXX дегениби. Кишинин жумшагын киши жейт,жыгачтын жумшагын курт жейт деген чындык.

admin_portal

2019-05-15 14:16:29

Bars88, улут аралык келишпестиктерди жарата турган билдирүүлөрдү калтырууга тыюу салынган. Эскертүү!

admin_portal

2019-05-15 14:17:07

Mamiev, этика нормаларын сактаңыз. Эскертүү!

Комментарий калтыруу үчүн өз ысымыңыз менен кириңиз же каттоодон өтүңүз.