Камчыбек Ташиев: "Миң адамга той берген Жалил Атамбаевдин уулуна катуу сөгүш берилди"

Ош шаарында миң адамга той берген Жалил Атамбаевдин УКМКда иштеген уулуна жаза берилди. Бул тууралуу маалымат жыйында УКМКнын төрагасы Камчыбек Ташиев билдирди.

"Анын уулу бизде иштейт экен. Той деген жакшы. Бериш керек. Бирок азыр өлкөдө эпидемиологиялык абал болуп турганда миң адамдын башын кошкон той берүү бул акмакчылык. Байгеге унаа берген, бул деген ысырапчылык. Бул деген элдин бетине түкүргөндүк. Биз Жалил Атамбаевдин уулуна катуу сөгүш бердик. Эми ал жакынкы эки жылда кызматтык көтөрүлүү же башка нерсе ала албайт. Ал атасынын кылган кылыгы үчүн жаза алды", -деди Ташиев.

Автор: Айсалкын Качкынбекова