Ахматбек Келдибеков УКМКнын СИЗОсуна 2 айга камалды

Бүгүн, 22-ноябрда Октябрь райондук соту депутат Ахматбек Келдибековду 19-январга чейин Улуттук коопсуздук боюнча мамлекеттик кызматынын СИЗОсунда кармоо чечимин чыгарды.

Эске салсак, Башкы прокуратура тарабынан Жогорку Кеңештин депутаты Ахматбек Келдибековго карата Кылмыш жана жаза кодексинин "коррупция" жана "кызмат абалынан кыянаттык менен пайдалануу" беренелери боюнча кылмыш иши козголуп, 20-ноябрда камакка алынган.

Азыркы тапта Ош шаарынын борбордук аянтында да депутаттын тарапташтары митинг өткөрүшүүдө.

Автор: Айпери Ганыжан кызы, Бекжан Рыскулов